Titanic-en gertaera tragikoa gizakiaren zoramenaren adierazle bat da; azkar eta dirua xahutzen bizi izateko joera zoroa.
Txarto egindako gauzak asko daude, eta, hain zuzen ere, lehenengoa da pentsatzea itsasontzi hura ezin zela urperatu.
Eta pentsamendu hori gaur egun ere badago.
Izan ere, gehienek uste dute bizi garen planeta hau, Lurra, alegia, betiko izango dela; eta beste askok, berriz, uste dute ez dela euren arazoa.
Horrenbestez, pentsatu, une batez, Lurra planetan ezin dela bizi; ez da hain zaila imajinatzea, gure inguruko planetek ez daukate bizitzarik, ez daukagu nora joan…
Eta orain, pentsatu zer egingo zenukeen Lurra planetan bizitza baldintzak mantentzeko; behintzat, ez okertzeko.
Zerbait egiteko prest egongo zinateke?
----------
Josu Garitaonandia
'Oparitu Zuhaitz Bat' egitasmoaren arduraduna
Bergara