Aurkeztu dute Pentekosteetako egitaraua, "denondako festen aldeko apustuarekin"

  Gizartea  Bergara

Aurkeztu dute Pentekosteetako egitaraua, "denondako festen aldeko apustuarekin"

Ekainaren 2tik 6rako egitaraua aurkeztu du Bergarako Udalak gaur, eguaztena. Nobedade nagusia da, droga menpekotasun planaren barruan, ekainaren 5eko herri bazkarian ez dela alkoholik zerbitzatuko. "Pauso txikia bada ere, uste dugu garrantzitsua izan daitekeela". Bihar, maiatzak 25, 690 txartel jarriko dira salgai, Udal Pilotalekuan.

EH Bilduren prozesu eratzaileko Bergarako saioa, "aberasgarria"

  Politika  Bergara

EH Bilduren prozesu eratzaileko Bergarako saioa, "aberasgarria"

EH Bildu berriaren "lehen zutoinak" ezartzeko prozesu eratzailearen barruan, batzarra egin zuten atzo Bergarako Irizar jauregian. Marian Beitialarringoitiak eta Gari Mujikak azalpenak eman ostean taldetan banatu ziren, saioa "ahalik eta emankorrena" izateko. Ekainaren 17an kongresua egingo dute, Bilbon. 

Glutenik gabeko jaialdia maiatzaren 26an, Bergaran

  Osasuna  Bergara

Glutenik gabeko jaialdia maiatzaren 26an, Bergaran

Euskadiko Zeliakoen Elkarteak egitarau zabala antolatu du maiatzaren 26rako, 17:30etik 19:30era, San Martin plazan: postre lehiaketa –postreak 17:30etik 18:30era aurkeztu beharko dira–, askaria, produktuen dastatzea, zozketak, Jardun elkarteko lagunen eskutik jolasak, zuzeneko musika eta Bergarako Erraldoi Taldekoen kalejira.

Musika lehiaketaren lehen edizioa, arrakasta borobila

  Kultura  Bergara

Bergarako Musika Eskolak zapaturako antolatu zuen musika moderno lehiaketak erantzun "ezin hobea" izan zuen. "Jende mordoa elkartu zen eta giro polita izan genuen. Bigarren ediziorako indarra ematen du; ikasleek eskatu egingo digute, gainera", dio Marije Ugalde zuzendariak.

»» Ikusi argazki guztiak (27)

San Joxepe elkartekoen zuzendaritza berria

  Gizartea  Bergara

San Joxepe elkartekoen zuzendaritza berria

San Joxepe erretiratu elkarteak zuzendaritza berritu zuen martxoaren 23ko batzar orokorrean. Honako hau da talde berria: Jose Ramon Eguren (presidentea), Rosi Ibarguren (presidenteordea), Adela Ormazabal (idazkaria), Alberto Laspiur (diruzaina). Bokalak honako hauek izango dira: Antolin Martxena, Aderito Prieto, Ignacio Iñarra, Emilio Gutierrez, Rosa Mari Belastegi eta Anton Arrillaga.

Dantza Astea modu ezin hobean hasi dute Aretxabaletan

  Kultura  Aretxabaleta

Zapatuan dantza afrikarrak eta flamenkoa izan ziren protagonista Jaiki taldeak hirugarrenez antolatu duen Dantza Astean. Jende mordoa elkartu zen Aretxabaletako plazan.

»» Ikusi argazki guztiak (15)

Puntaik Punta jaialdiak eman duena iruditan

  Gizartea  Debagoiena HEMEN DEBAGOIENA

Maiatzaren 19tik 21ra bizi izan ditu egun handienak Puntaik Punta jaialdiaren bigarren edizioak. Antolatzaileak "pozik" daude; diotenez, "parte hartze zabala" izan da ekintzetan eta jaialdia pixkanaka ari da errotzeko bidean. Jarraian, asteburuak eman zuenaren gaineko erreportaje zabala.

Mantenu lanak hainbat autobus geltokitan

  Gizartea  Bergara

Mantenu lanak hainbat autobus geltokitan

Labegaraietako, azokako, IAT-ITV aurrealdeko, San Juan auzoko, San Blaseko, Mekolaldeko eta Gerondoko autobus geltokietan mantenu lanak egiten ari da Udala. Lan guztiak ekaina hasieran amaitzea aurreikusten da; 9.500 euroko aurrekontua du, herriguneko geltokietan 4.500 euro eta auzoetan 5.000 euro.

Aginagalderen leloa eta Elorzaren marrazkia Pentekosteetako zapirako

  Gizartea  Bergara

Aginagalderen leloa eta Elorzaren marrazkia Pentekosteetako zapirako

Pentekosteetarako zapiko marrazki eta lelo lehiaketako irabazleen berri eman du Jardunek. Aurten saria –100 eurokoa, lehiaketako oinarrietan jasotzen denez– bitan banatu dute: Maite Elorzaren marrazkia izan da saritua eta zapian azalduko den leloa Mikel Aginagalderena izango da: Euskerian plazan itxoingo dotsut. "Zorionak bioi!", adierazi dute antolatzaileek.

Gorabeherak gorabehera, antolatzaileak "pozik" Puntaik Punta jaialdiarekin

  Gizartea  Debagoiena

Hainbat ekitaldi izan ditu Puntaik Punta jaialdiaren bigarren edizioak eta, horietako batzuetan parte-hartzea baxua izan bada ere, orokorrean "pozik" daude antolatzaileak. "Oso ondo joan da, pozik gaude. Parte hartze zabala izan dugu orokorrean; jai berria da eta kostatzen da barneratzea, baina ideia ona da eta aurrera goaz", adierazi du, besteak beste, Bergarako alkate Elena Letek.

Puntaik Punta jaialdia argazkitan: omenaldia Pol-Pol, Urdaburu eta Trintxer taldeei

  Gizartea  Bergara

Puntaik Punta jaialdiari amaiera emateko ekitaldian, aurten 75 urte egin dituzten Pol-Pol eta Urdaburu eta 25 urte egin dituen Trintxer taldeari omenaldia egin diete antolatzaileek.

»» Ikusi argazki guztiak (21)

Puntaik Punta jaialdia argazkitan: lorategi historikoei bisita

  Gizartea  Bergara

Bergarako lorategi historikoetan barrena egindako bisita gidatuak hainbat herritar erakarri ditu.

»» Ikusi argazki guztiak (9)

Zea Mays-ekin jo du gailurra Puntaik Punta jaialdiak

  Kultura  Bergara

Zapatuan giroari berotzea kostatu bazitzaion ere, pixkanaka jendea joan zen Puntaik Punta jaialdira hurbiltzen. Nordic walking-ean, orientazio eta kartografia tailerrean edota lorategi historikoen bisitan taldetxoak sortu ziren baina bereziki iluntze partera, Musika Eskolaren Udaberriko jaian eta bereziki Zea Mays taldearen kontzertuan herritar asko izan ziren. Gaur, domeka, azken traka.

Puntaik Punta jaialdia argazkitan: zapatu eguerdia

  Gizartea  Bergara

Orientazio eta kartografia tailerra, senderismo azoka, abentura parkea eta Txantxariak ikuskizuna izan ziren, besteak beste, Puntaik Punta jaialdiko protagonistak atzo eguerdian.

»» Ikusi argazki guztiak (30)

Bergarako Musika Eskolaren 28. Udaberriko jaia

  Kultura  Bergara

Udaberriko jaiak eman zuena argazkitan.

»» Ikusi argazki guztiak (44)

Bergarako Musika Eskolaren Udaberriko jaia, borobila

  Kultura  Bergara

Bergarako Musika Eskolaren Udaberriko jaia, borobila

Udaberriko jaiaren 28. edizioan goraino bete zen Bergarako pilotalekua, Musika Eskola talde guztien aldi bereko kontzertua ikusteko. Denetariko piezak entzun ahal izan ziren; aurtengo Korrikaren Zirkorrika-tik We are the champions abesti ezagunera arte. Kontzertuaren ostean, talde lehiaketa egin zuten Munibe plazan lehenengoz.

Bailarako sozialistak ere, idazkari nagusi berria aukeratzera

  Politika  Debagoiena

Bailarako sozialistak ere, idazkari nagusi berria aukeratzera

Alderdi sozialistako militanteek gaur erabakiko dute aurrerantzean nor izango den euren idazkari nagusi: Susana Diaz, Pedro Sanchez edo Patxi Lopez. 187.000 militante daude deituta botoa ematera eta 14:00etarako parte-hartzea %51ekoa izan da. Debagoienean ere hainbat izan dira dagoeneko botoa eman duten sozialistak; bailaran Patxi Lopez babesten dute sozialista gehienek.

Oñatiko pilotariak nagusi Zestoaren aurkako Herri Artekoan

  Kirola  Oñati

Oñatiko pilotariak nagusi Zestoaren aurkako Herri Artekoan

Oñatiko pilotariek etxerako lanak ondo egin zituzten atzo, zapatua, Zestoan. Herri Arteko Txapelketako final hamaseirenetako kanporaketako joanekoan, kadetetan 22-13 eta gazte mailan 22-0 nagusitu ziren. Senior mailan zestoarrak izan ziren nagusi, 22-5. "Tanto alde onarekin goaz itzulikora, baina ezin gara konfiantza larregirekin kantxaratu", adierazi du Josu Osak.

Bertso saio polita eta orekatua Antzuolako Torresoroan

  Kultura  Antzuola

Bertso saio polita eta orekatua Antzuolako Torresoroan

Antzuolako sasibertsolarixak taldeak antolatuta, egubakoitz gauean, San Isidro azokaren bezperan, Sebastian Lizaso, Jon Maia, Maialen Akizu eta Nerea Ibartzabal bertsolariek saio ederra eskaini zuten. Torresoroa goraino bete zen goi mailako bertsolariekin gozatzeko; txalo zaparradak izan ziren gaueko protagonista.

Banakoa Amaikak Bat-en aurka, Ruiz de Azuaren agurrean

  Kirola  Arrasate

Mondrak bana berdindu du Debako Amaikak Bat taldearen aurka. Emaitzaz harago, Ander Ruiz de Azua Manzano izan da protagonista, Mondran 20 urte egin ostean futbola utziko du-eta. "Oso egun berezia da niretako. Futbolak momentu on eta txar asko eman dizkit, onekin geratuko naiz betirako. Eskerrik asko 20 urteotan ondoan izan ditudan guztioi", adierazi du lehiaren amaieran, hunkituta.