Nahiz eta azken urteetan aurrerapenak egon, hartu diren neurriek ez dute ezabatu oraindik gure gizartean txertatuta dagoen arazoa. Oraindik falta da: baliabide gutxiago dituzten pertsonek zailtasunak dituzte justizia duin bat izateko; aurrekontua falta da; kontzientzia aldaraziko duten kanpainak ere bai; eta gizartearen arlo guztietan gai honi buruzko kulturan sakondu beharra dago.
Ondorioek adar anitz dituzte, eta biktimaren inguru osora zabaltzen dira. Genero indarkeriaz kutsatutako ingurune batean hazten diren haurren kasuan, portaera eta emozio nahasteak oso sarri izaten dira, heldutasun arora ere luzatuz.
Horregatik da hain beharrezkoa erakunde eskudunek areagotu ditzaten genero diskriminazioa borrokatuko duten eta hura jasaten dutenak babesteko programak, berdintasuna sustatuz eta arau kultural adeitsu eta bakezaleen moldaketa aldarrikatuz. Behar-beharrezkoa da gai honen inguruan heziketa goiztiar bat, eta behar bezalako garrantzia ematea, aldaketa kulturala eta arazo hau erauztea ahalbidetzeko.
Airean dagoen galdera da: zenbat urte falta dira, XXI. mende bete-betean, gaitz hau errotik kentzeko?