Barbie eta munstroak

Erabiltzailearen aurpegia Idoia Etxeberria 2015ko ots. 8a, 00:00

Barbie panpinen salmenta jaitsi egin dela. 56 urteren ondoren. Hori esan zidan lagun batek aurrekoan. Izugarri jaitsi dela. Azken hiru hilabeteetan, ehuneko ia 60. Mattel etxeko arduradunetako bat bota egin dute horregatik. Aiba! Neurri errealagoak dituzten panpinak jarriko ziren modan? Beste jostailu mota bat? Mundua aldatzen ari ote da?  

Ba ez. Orain, umeek nahiago dituzte Monster High eta Bratz. Eta ezin esan neurri errealak dituztenik: bi hankapalo. Hauek ez dira Barbie bezain printzesa. Urbanoagoak dira, itxuraz errebeldeagoak. Bestela, molde berekoak. Sudur txikia, begi handiak. Gerri estua, minigona eta takoiak. Munstroak ere argalak... marka da gero! Gainera, Monster High panpinak ere Mattel etxearenak dira. Alde batetik galdutakoa beste aldetik irabaziko dutela, alegia.

Hezur-haragizko Barbie bat. Bederatzi urteko Kristina Pimenova. Hiru urte zituenetik posatzen dabilen modelo errusiarra. Zeresana eman du azkenaldian. Berak eta bere gurasoek. Ilehoria da, begi urdinak ditu. Hanka luze meheak. Eta bi milioi jarraitzaile Facebooken. Mundua ez da aldatu. Eta munstroak ere ez.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak