goiena.eus

ADI! Guztiz gezurra da sare sozialetan zabaldu den albistea: MONDRAGON UNIBERTSITATEko Aretxabaletako campusean ez da inolako heriotzarik egon

Erabiltzailearen aurpegia

Sare sozialetan zabaldu den albistea guztiz faltsua da, Ikus-entzunezko Komunikazioa graduko ikasle talde batek sortutako gezurrezko albistea. Endredo guztia izan da ikasleek gaizki ulertutako eta, batez ere, gaizki neurtutako ariketa baten ondorioa.

Humanitate eta Hezkuntza Zientzien Fakultatetik barkamena eskatu nahi diegu ikasle, lankide eta guraso guztiei eta, batez ere, albiste faltsu horretan inplikatuak egon direnei. Barkamenak, bereziki, kaltetuak izan diren Goienako kazetariari zein Goiena Komunikazio Talde osoari, baimen barik haien izena bereganatu eta zabaltzeagatik.

Erantzunak

Erantzuna | #1

Bai, ikasliek kulpan zati bat dakoila egixa da, bai; gauzia eskutatik fan xate. Baña seguro nau unibersidadiak be ardurian parte bat badakola.

Nik antzeko ikasketak bukatu neben oin dala urte gutxi. Iñork ez nosten explikau ikasketa urte dan horreittan egile eskubidien urraketen, suplantasiñuan edota plagiuan ondorixuak zeintzuk dian, eta oso gutxittan entzun izan dot irakasleren bat hori debekaketan (debekatuta baittau). Gustauko xaten jakittia aber MUn ze puntutaraiño lantzen dian holako gauzak, dakoiñ importantzia kontuan hartuta. Aparte, irakaslien partetik kontrol sisteman bat be egon bihar da beti, horrelakuak ekiditteko; eta beraz, eziñ dda holako akats baten ardura dana ikaslien gain bota (kasu hontan iñ dan moduan).

Ikasliak ikasketa prozesu baten sartuta dauz. Ta danok dakigun moduan akatsetatik ikasten da. Normala da ikasliek hanka sartzia, eta hortarako dauz irakasliak: hanka sartze horreik konpondu eta aurrera itten lagunketako. Hortaz, uste dot eziñ dana iñ dala ikasliak jarri jomugan, unibertsitatiak inolako ardurarik ez baleko moduan.

Egunian zihar animo hitz asko entzun ttut unibersidadiari zuzenduta. Nere partez animuak baitta hanka sartu daueiñ ikasliei, seguru nau ta eurak diala gaur okerren pasa daueinak.

Erabiltzailearen aurpegia Erantzuna | #2

Aupa, Moiyu1

Lehenik eta behin mila esker zure iradokizunengatik.

MONDRAGON UNIBERTSITATEko Humanitate eta Hezkuntza Zientzien Fakultateak argitaratutako ohar laburraren helburua ez zen inondik inora ikaslearen bizkar uztea gertatutakoaren ardura. Hiru helburu garbi zituen oharrak:

1. Lehenik eta behin, albistea gezurtatzea ahalik eta azkarren.

2. Lagungarria izango zelakoan, argibideak ematea albistearen jatorriaren testuinguruaren gainean.

3. Azkenik, erakundeak berak hartzea gertatutakoaren ardura eta barkamenak eskatzea herritar guztiei eta, bereziki, inongo erru barik, nahastu suertatu ziren erakunde eta kazetariei.

Gezurrezko albiste hori sortu zen, hain zuzen ere, Ikus-entzuneko Komunikazio graduan era horretako gaiak (egiatasuna, gezurren zabalkundea…) jorratzeko propio dagoen ikasgai berri baten barruan. Begi bistakoa da, baina, ariketa akademiko praktiko soila izan behar zuenak eskuartetik ihes egin zuela.

Planteatzen duzun kezkari dagokionez, jakin Ikus-entzunezko Komunikazio graduko ikasleek jorratzen dituztela euren ikasketa prozesuan, besteak beste, eskubideen urraketa, iruzurreko ordezteak, plagio eta kopia kontuak.

Garbi dago denok daukagula asko ikasteko, batez ere, Internet eta sare sozial moduko gai berri eta azkarretan, denok ere ikasten ari garelako mundu honetara egokitzen. Ez izan dudarik atzo gertatutakoetatik ere asko ikasiko dugula.

Goio Arana
Humanitate eta Hezkuntza Zientzien Fakultateko Komunikazio arduraduna

Erantzuna | #3

Artikuluak zeukan azkeneko erantzuna ezabatu egin dugu, gaztelania hutsean zegoelako eta gure hizkuntza irizpideekin ez datorrelako bat.

Erantzuna | #4

Nik uste nauen hizkuntzak elkar ulertzeko sortu ziela eta ez inori baztertzeko. Euskeraz ez dakitenek ezin baldin badauie heuren iritzia hemen idatzi, EHn eta Txinako Errepublika Popularrian honi diskriminatzia eta adierazpen askatasun eza deitzen zaio.

Zuek jakingozue ze komunikabide mota dan Goiena, baina nik argi daukadana Estatu Espainoleko aldizkari faxisten irizpide berdinak erabiltzen dituzuela da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa