Inaki Etxezarretak, Arizmendi Ikastolako zuzendariak, Eskoriatza, Arrasate eta Aretxabaletan hitzaldia emango du aste honetan Ikastola gaur, zergatik? galderari erantzunez. Lehenengoa Eskoriatzako Ibarraundi museoan izango da bihar, hilak 20. Asteazkenean Arrasaten egingo du, Kulturaten; bi horietan bina hitzaldi egingo ditu, euskaraz lehenengoa (18:00etan) eta gaztelaniaz ondorengoa (19:15ean). Hirugarrena Aretxabaletako Basabeazpi gunean izango da, hitzordu bakarrarekin, 18:00etan (elebidunez).
Hiru ardatzetan oinarrituko du bere jarduna: identitatea, hau da, nor garen; bigarren ardatza gure xedea izango da, hots, nora joan nahi dugun eta azkenik azalduko du nola jarduten den ikastola, nor garen eta nora joan nahi dugun horiekin koherentziaz jokatzeko.