EROSKI FUNDAZIOAREN ESKUTIK GOMIZTEGIRA BISITA

EROSKI FUNDAZIOAREN ESKUTIK GOMIZTEGIRA BISITA EROSKI Fundazioaren eskutik, urtarrilaren 29an Gomiztegi baserri eskolara, Arantzazura, joan ginen LHko 5.mailakoak. Jarduera honen helburua zen umeek hurbiletik k ezagutzea elikagaien elaborazio prozesua; oraingo honetan, ardi gaztarena eta mamiarena, hain zuzen. Horregatik, ibilbidean zehar, bisitarako gidariak egunean-egunean bertan egiten den lana erakutsi eta horri buruzko nondik norakoak azalduko zizkigun: elikagaia nola sortzen den, nola tratatzen den, jatorriak zer-nolako garrantzia duen eta sasoian sasoiko produktuek dituzten abantailak zeintzuk diren… Hori guztia bertako ekoizpenak duen garrantziari duen balioa eman diezaioten. Primeran pasatzeaz gain, ardi Latxaren ustiaketaren inguruan gauza asko ikasi genituen. Oso jarduera interesgarria izan zen eta Eroski Fundaziotik etorritako arduradunaren hitzetan, Aranzadi ikastolako LH 5.mailako ikasleak ekintza honetan parte hartzen duten lehenak izan dira.