Aurrera begiratu beharra daukagu zentzu gabeko liskar politikoak atzera utziz honek mesede egingo baitio Bidegiri, eta batez ere gipuzkoarrei. 2003an sortu zen sozietatea Gipuzkoako autobideak kudeatu, mantenu eta gaitasun handiko errepide sarea osatzeko.
Erabiltzaileek ordaintzen dutena errepide horiek mantentzeko eta hobetzeko erabiltzen da eta honi esker egin dira AP-1 edo Donostiako Ingurabidea. Eredu honekin kanpotar guztiek ordaintzen dute gure autobide sarearen hobekuntza eta eraikuntza. 2016ko auditatutako kontuen arabera ia 23 milioi euroko deskontua egin zaie gipuzkoarrei, iaz baino 5 milioi gehiago eta laguntza hau hilabete batzuk barru Bizkaia eta Arabara egingo ditugun joan-etorrietara zabalduko da. Gipuzkoa eredugarria da errepide kudeaketan baina gipuzkoarrok askotan gure arteko liskarra gure onuraren aurretik jartzeko ohitura dugu.
Honetan badaukagu besteengandik zer ikasia.