Errusiako dantza-afari tematikoa egin genuen Espaloian

Erabiltzailearen aurpegia Herrixa Dantzan 2015ko abe. 17a, 12:07
Abenduaren hamaikan bigarren dantza-afari tematikoa egin genuen Espaloia Kafe Antzokian. Oraingoan, Errusia eta Setomaa herrialdea gai hartuta (Errusia eta Estonia artean zatituta dago Setomaa herrialdea). Aurreko dantza-afarian bezala (Portugal, maiatzean), oraingoan ere gustura asko!!

44 lagun elkartu ginen, Arrasate, Bergara, Elorrio, Zaldibar, Eibar, Aretxabaleta, Eskoriatza, Antzuola eta Elgetatik bertatik etorrita. Espaloiko sukaldariak afari goxoa prestatu zigun, errezeta errusiarrak hartuta. Vodka txupitoa, kafea... eta ekin genion dantzari.

Bederatzi dantza ezagutu / probatu / gozatu genituen. Batzuk kontradantzen moldeetan, beste pare bat Errusian ohikoak omen diren trentza/korapiloak eginez, eta beste batzuk horovod korruko dantza kantatuak. Dantza dibertigarriak batzuk, hunkigarri eta goxoak besteak. Eta musika horiek, eta ahots horiek... ze ederrak!!!

Oroigarri gisa bidetxoa jarri dugu YouTuben

Kontuan izan ez garela dantza konpainia bateko dantzari trebeak, eta helburua ere ez dela inongo dantzak ikastea edo folklorean sakontzea. Beste herri batzuetako dantza sozialak deskubritzeko aitzakian, 'plater ezberdinak' probatzen berriz ere dantzan elkartu eta gozatzea baizik.

Antolatuko ditugu dantza-afari gehiago...

https://dantzan.eus/kidea/herrixadantzan/dantza-afari-tematikoak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak