Garazi Estebez Euskadiko Txapeldun, bigarren urtez

  Kirola  Aretxabaleta

Garazi Estebez Euskadiko Txapeldun, bigarren urtez

Sasoi betean da Garazi Estebez aretxabaletarra. Duela 15 egun, Espainiako Txapelketan urrezko eta brontzezko dominak eskuratu zituen Avilan, eta joan den asteburuan, Tolosan egindako Euskadiko Txapelketan Ogiberri taldeko ziklista izan zen azkarrena.

Ibilbide berriarekin dator Arantzazuko Igoera, zapatuan

  Kirola  Debagoiena  Oñati

Ibilbide berriarekin dator Arantzazuko Igoera, zapatuan

Arantzazuko Igoerak –48. edizioa– lehenengoz izango ditu 70 kilometro (Zapatua, 16:00). Aurreko edizioetan ziklistek zuzen hartu izan dute Arantzazurako bidea, Sindikara, baina lasterketak apenas zituen 10 kilometro.

Kantoikrit 2017, erreportajea

  Kirola  Debagoiena  Oñati

Kantoikrit 2017 lasterketak emandakoaren erreportajea, Harmailatik saioan.

'Harmailatik': Kantoikrit lasterketaren seigarren edizioa; Aramaioko Openak 10 urte

  Kirola  Aramaio  Aretxabaleta  Bergara  Oñati

Harmailatik saioa: Udako futbol torneoen laburpena: Ipintzako udako txapelketako finalak, eta Debagoieneko Koadrilen Arteko Txapelketako finalak; Kantoikriten seigarren edizioak emandakoa; Aramaioko Openak (mtb) hamar urte bete ditu.

EBAn jarraituko du Ointxe!ko lehen taldeak

  Kirola  Arrasate  Debagoiena

EBAn jarraituko du Ointxe!ko lehen taldeak

Azken unera arte borrokan ibili eta gero MU saskibaloi taldeak ligako azken unean galdu zuen EBAn jarraitzeko eskubidea, maiatzean. Bada, kantxan lortu ez dutena bulegoetan lortu du klub zuri-moreak, federazioak Ointxe!-ren proposamena onartu du-eta kategoria horretan zuen hutsunea betetzeko. Gaur, martitzena, egin da albistea ofizial.

Agorrosingo belar naturaleko zelaian belar artifiziala jartzeko aurreproiektua aurkeztu du klubak

  Kirola  Bergara GAURKOAK

Bergara Kirol Elkarteak Agorrosin berriaren aurreproiektua aurkeztu du bazkideen eta klubeko kideen aurrean. Proposamen nagusia da belar artifiziala jartzea Agorrosingo futbol zelaian, baina badaude bestelako birmoldaketak ere; harmaila berriak egingo lirateke eta horien azpian kokatuko lirateke hamalau aldagela berri; "espazio soziala" ere berriztu egingo litzateke.

Pol-Polekoen irteera, Biriatu eta Ibardin artean

  Kirola  Bergara

Pol-Polekoen irteera, Biriatu eta Ibardin artean

Bergarako Pol Pol Mendi Taldeak irteera egin zuen domekan, uztailaren 16an, Nafarroako Pirinio inguruan. Biriatu eta Ibardin arteko bidea egin zuten parte-hartzaileek; tartean Xoldokoagaina ere igo zuten. Irteeran esku hartu zutenen esanetan, "eguraldi zoragarria" izan zuten lagun. Beraz, "irteera aparta" izan zela diote.

Taldea batzen duten denboraldi amaierako ospakizunak

  Kirola  Bergara

Taldea batzen duten denboraldi amaierako ospakizunak

Bergara Kirol Elkarteko pilota eta futbol sailekoek zapatuan, uztailak 15, eman zioten bukaera 2016-2017 denboraldiari. Futbolariek Gorlara igoera egin zuten bizikletan, duela 18 urte hasitako ohiturari eutsiz. Pilotariek, berriz, kaleka saio batzuen ostean Elosuan ederto bazkaldu zuten. Modu ederra denboraldia amaitu eta taldea batzeko.

Ismael Esteban nagusi Aramaioko maldetan

  Kirola  Aramaio

Ismael Esteban nagusi Aramaioko maldetan

Faboritoa zen Esteban eta hasieratik izan da lehen postuetan. Emakumezkoetan, Karla Kortazarrek eroan du txapela etxera.

Asier Alonso oñatiarra hirugarren El Molières maratoian

Asier Alonso oñatiarra hirugarren El Molières maratoian

  Kirola  Oñati

Atzo, zapatua, jokatu zuten 400 bat lasterkarik Vielhan (Lleida) hasi eta amaitzen den 40 kilometroko lasterketa. Kataluniako bi lasterkari izan ziren azkarrenak: Nik Bacardit eta Josep Cuadrat. Podiuma osatzen hirugarrena Asier Alonso oñatiarra izan zen.

 

Bikote mistoen arteko lehia, aizkoran eta korrika

  Kirola  Antzuola

Aitzol Atutxa eta Irati Astondoa, Ugaitz Mugerza eta Karmele Gisasolaren kontra aritu dira gaur eguerdian Antzuolan. Zortzi ebaketa, trontza, txingak eta atxintxika izan dira egin dituzten probak. Bestetik, Inaxio Perurenak erakustaldia egin du harriak jasotzen.

 

Luis Junquera nagusitu da Kantoikrit lasterketaren seigarren edizioan

  Kirola  Oñati

Iaz bigarren sailkatu zen asturiarra eta aurtengoan garaipena eskuratu du. Bigarren Enol Costales sailkatu da –hau ere asturiarra– eta hirugarren postua Jon Sarasua abadiñarrarentzako izan da. Iñigo Mugarza oñatiarrak gertu izan du podiuma, baina laugarren postuarekin konformatu behar izan du.

Malen Ruiz de Azua bederatzigarren Europako 23 urtez azpikoen txapelketan

  Kirola  Arrasate

Malen Ruiz de Azua bederatzigarren Europako 23 urtez azpikoen txapelketan

4,20 metroko marka egin du finalean. Urrea Angelica Moser suitzarrarendako izan da 4,55 metroko markarekin.

Beti Kozkor taldeak irabazi du kuadrillen arteko futbol txapelketa

  Kirola  Aretxabaleta

Beti Kozkor taldeak irabazi du kuadrillen arteko futbol txapelketa

Lekunberritik etorritako Beti Kozkor taldea izan da onena aurtengo edizioan, finalean Aretxabaletako Spat taldearen gainetik pasa ostean (0-5). Hirugarren postuan Aprendis City sailkatu da eta laugarren Hotel Cabeza. Kiroltasunaren saria, berriz, PG-GJ taldearentzat izan da.

Xabier Gordoa oñatiarrak irabazi du Ondarroako Itsas Zeharkaldia

  Kirola  Bergara  Debagoiena  Oñati

Xabier Gordoa oñatiarrak irabazi du Ondarroako Itsas Zeharkaldia

Bigarren egin du Bergara Igeri Elkarteko Oier Erañak. 2002. urtetik azpikoetan ere bada podiumera igo den debagoiendarrik; izan ere, bigarren egin du Ekain Gorgoñon oñatiarrak. Eta beteranoetan, Itziar Sanpedro arrasatearra ere podiumean izan da: hirugarren egin du.