Natra-Oñatik aurpegi berriekin aurkeztu du taldea

  Kirola  Oñati

Natra-Oñatik aurpegi berriekin aurkeztu du taldea

Aloña Mendiko Natra-Oñati saskibaloi taldeak aurpegi berriekin hasi du denboraldia. Aurten Eneko Blancok hartu du taldearen gidaritza eta laguntzaile lanetan Aitor Ugarte izango du. Hiru fitxaketa egin dituzte: Xabi Odriozola azkoitiarra, Xabier Osa zarauztarra eta Josean Cavada donostiarra. Denboraldi berriari begira bazkide kanpaina martxan jarri dute.

Migel Angel Benito nagusitu da 25. San Migel sarian

  Kirola  Oñati

Migel Angel Benito nagusitu da 25. San Migel sarian

Caja Ruraleko ziklistak jaun eta jabe izan dira Oñatin jokatu den San Migel sarian. Olakuako helmugara iritsi diren lehenengo hiru ziklistak Caja Ruralekoak izan dira; hala, talde onenaren saria eroan dute. Probako 100 kilometroak egiten azkarrena Migel Angel Benito izan da –2:28:58. Sei segundora sartu dira hurrengoak. Bigarrena Dario Hernandez izan da eta hirugarrena Ibai Salas. Mendiko saria Alexander Unzuetak irabazi du. Gainera, Oñatiko proba Lehendakari sariko azken proba puntuagarria izan da. Aitor Gonzalez orain arteko liderrari NaturGas taldeko Imanol Estevezek kendu dio Lehendakari maillota.

Iñurrategi, Vallejo eta Zabaltza oinarrizko kanpalekura bidean

  Kirola  Aretxabaleta

Espero bezala oinarrizko kanpalekura gerturatzen ari da NATURGAS BBK NUPTSE 2012 espedizioa: atzo, barikua, Namche Bazaar herrixkara heldu zen. 1.700 biztanleko herria, Nepalgo eskualde horretako handiena da eta sherpen hiriburutzat jotzen dute bertakoek. 3.400 metroko garaieran kokatzen da; eta Chukungerako noranzkoan, bide erdian. Iñurrategik, Vallejok eta Zabalzak oinarrizko kanpalekua bertan ezartzeko asmoa daukate.

Ibarreko ordezkaritza eta berritasunak Nazioarteko Artzain Txakur Txapelketan

  Kirola  Oñati

Ibarreko ordezkaritza eta  berritasunak Nazioarteko Artzain Txakur Txapelketan

Oñatiko Nazioarteko Artzain Txakur Txapelketak 53. edizioa beteko du aurten. Berrikuntzekin dator, gainera, eta, noski, protagonista izango ditu, urtero bezala, hamahiru artzain eta txakur txapeldun. Gaur –domeka– da hitzordua, 10:30ean, Santa Lutziako zelaian. Atzo txakurren aurkezpena egingo zuten, iaz bezala.

Zazpi euskal ziklistak Euskaltel-Euskadiren "noraeza" salatu dute

  Kirola  Arrasate  Oñati

Zazpi euskal ziklistak Euskaltel-Euskadiren "noraeza" salatu dute

Talde laranjan hazitako ziklistak dira zazpiak, eta Markel Irizar oñatiarra dago sinatzaileen artean. "Pena" handia dute Euskaltel-Euskadi "hartzen den norabidea dela eta, proiektuaren lema kudeatzaile berriek hartu dutenetik". Txurrukari eta Velascori "kontratua ez berritzeak behartu ditu idatzia kaleratzera". Nabarmentzen dute "Igor Gonzalez de Galdeanok eman zituen azalpenak –punturik ez dutela batu eta ez dutela progresiorik izan– proiektu horrek hasieratik izan dituen balio eta espirituaren kontra doazela, Miguel Madariaga buru zeneko garaikoak". Era berean, espero dute euren idatziak "zerbaitetarako balio izatea eta taldeak norabidea zuzentzea".

Euskadi Ziklismo Fundazioak elkartasuna adierazi die Velascori eta Txurrukari

  Kirola  Arrasate

Euskadi Ziklismo Fundazioak elkartasuna adierazi die Velascori eta Txurrukari

Sare sozialak eta foroak sutan daude. Euskal zaleek, orokorrean, ez dute ulertzen Euskaltelek hartu duen erabakia, Velasco arrasatearrari eta Txurrukari kontratua ez luzatuta. Eta, are gehiago, Euskadi Ziklismo Fundazioak berak ere eman du iritzia, Miguel Madariaga buru dela. Adierazi du ez fundazioak ez Madariagak berak ez daukatela zerikusirik Euskaltelen kirol-politika berriarekin. Beraz, argi utzi nahi izan dute ziklista bi horiek taldean ez segitzea Euskaltelen proiektuaren kirol-zuzendaritzaren erabakia izan dela. Azkenik, fundazioak eskerrak ematen dizkie ziklista bi horiei urte hauetan guztietan egin duten lanagatik eta izan duten inplikazioagatik, eta elkartasuna adierazten die.

Errugbi eskolarako gonbidapena, Arrasate Errugbi taldearen eskutik

  Kirola  Aramaio  Aretxabaleta  Arrasate  Bergara  Elgeta  Eskoriatza  Oñati

Errugbi eskolarako gonbidapena, Arrasate Errugbi taldearen eskutik

Arrasate Errugbi Taldeak Errugbi Eskolaren ateak irekiko dizkie 8 eta 14 urte bitarteko neska-mutikoe. Arrasateko haurrez gain, Bergara, Antzuola, Elgeta, Oñati, Aramaio, Aretxabaleta eta Eskoriatzako haurrengana ere joko dute. Haur eta gaztetxoek errugbia eta bere balioak bertatik bertara ezagutzeko aukera dute beraz Mojategin. Horretarako, klubarekin harremanetan jarri beharko dira; bi bide: posta elektroniko bidez klubaren webgunean edota 696 334 912 telefonora deituta.  

Saskibaloi sailarendako 600 bazkide lortzeko helburuarekin

  Kirola  Oñati

Saskibaloi sailarendako 600 bazkide lortzeko helburuarekin

Aloña Mendi saskibaloi sailak bazkide kanpaina berria abiaraziko du gaur. EBA ligan diharduten jokalariak eta entrenatzaileak plazan egongo dira 19:00etan. Zaleek aukera izango dute taldeko aurpegi berriak ezagutzeko  eta bazkide txartela egiteko.  "Zubikoako harmailak bete gura ditugu iazko moduan. Bazkideen ekarpena ezinbestekoa izan zen", diote saskibaloikoek.

Zenbait kale itxiko dituzte zapatuan, Rallysprinta dela-eta

  Kirola  Aramaio

Zapatuan Aramaioko Rallysprint proba egingo da eta horrek eragin zuzena izango du Ibarra auzoko zenbait kaletan. Hala, Pedro Ignazio Barrrutia eta Aita Gabriel kaleak itxita egongo dira zapatu goizetik gauera arte. Horrez gain, Udalak jakinarazi du ezingo direla autoak kalean aparkatuta utzi, eztako pilotalekuko aparkalekuan ere: "Kalea hutsik egon behar da zapatu goizean".

Iñurrategi, Vallejo eta Zabaltza Nepaleko hiriburutik ateratzeko gogoz

  Kirola  Aretxabaleta

Iñurrategi, Vallejo eta Zabaltza Nepaleko hiriburutik ateratzeko gogoz

Alberto Iñurrategik, Juan Vallejok eta Mikel Zabaltzak azkar utzi nahi dute atzean Nepaleko hiriburua eta, horretarako, bizkortu nahi dituzte izapide guztiak, azken erosketak egin eta kontu handiz material guztia paketatu. “Geroz eta garestiago dago guztia hemen eta hiria ere gero eta zaratatsuago; ziztu bizian atera nahi dugu hemendik”, diote. 

Iban Velasco: "Sistema honekin inork ez du talde lanik egin nahiko"

  Kirola  Arrasate

Iban Velasco: "Sistema honekin inork ez du talde lanik egin nahiko"

Astelehenean Harmailatik saioan egon ostean jaso zuen Iban Velascok Euskaltel-Euskadiko kirol zuzendariaren deia, taldean ez zuela jarraituko esateko. Arrasatekoak onartu digu ez zuela halakorik espero, baina gauzak datozen moduan hartu behar direla, eta talde bila dabil dagoeneko. Hori bai, garbi esan du UCI World Tourrean lehiatzeko puntukako sistemak ez duela gauza onik ekarriko, besteak beste, galdu egingo direlako interes propio barik taldearendako lan egiten duten txirrindulariak: "Inork ez du nahiko ondokoarendako lan egiterik".

Iban Velascok ez du Euskaltelen jarraituko

  Kirola  Arrasate

Iban Velascok ez du Euskaltelen jarraituko

Astelehenean Harmailatik saioan izan genituen Iban Velasco eta Markel Irizar, eta besteak beste, bien kirol etorkizunaren gainean izan ginen berbetan. Irizarrek kontratua du Radioshack taldearekin, baina Velascori lasaitasun hori falta zitzaion, taldean txirrindulari asko daudelako etorkizuna zintzilik dutela. Hala, gaur goizean Deia egunkariak bota du albistea, Iban Velascok ez du Euskaltelen jarraituko, ezta Amets Txurrukak ere.

Harmailatik: Markel Irizar eta Ivan Velasco

  Kirola HARMAILATIK None

Harmailatik: Markel Irizar eta Ivan Velasco (2012-09-17)

Bergarako Kirol Eskolak, nobedadeekin

  Kirola  Bergara

Bergarako Kirol Eskolak, nobedadeekin

Atzo aurkeztu zituzten Bergako Irizar jauregian 2012-1013 ikasturteko Kirol Eskolak. Eskubaloia, saskibaloia eta futbola oinarri duen ekimena, berritasunekin dator aurten.

Derbi lehiatua Mondra atzean urduri jarri eta Aretxabaletak haginka egin zuen arte (1-2)

  Kirola  Aretxabaleta  Arrasate

Derbi lehiatua Mondra atzean urduri jarri eta Aretxabaletak haginka egin zuen arte (1-2)

Ligako lehenengo partidua eta Mojategiko harmailak beteta. Baina ez da komeni larregi ilusionatzea, Aretxabaletak ere zale asko erakarri zituelako Mondraren zelaira. Epaileak partiduaren hasiera adierazi aurretik Arrasateko klubak merezitako agurra egin zien –UDAkoen laguntzaz– urtetan etxeko taldea defendatu duten Mikel Gartziari, Jokin Pavori eta azken kapitainari, Kepa Mercaderri. Ondoren hasi zen partidua.

ASTEBURUKO KIROL ALBISTEAK