Beteranoen Pilota Txapelketako finalak jokatuko dituzte bihar

Eneko Azurmendi 2016ko urr. 28a, 09:35

Martxoan hasitako txapelketa bihar, zapatua, amaituko da. Bi mailatan banatu dira txapelketa osatu duten 16 bikoteak. Bigarren mailako finala Jodra-Kintana legutiarrek jokatuko dute, Beraza-Etxeberria elgoibartarren aurka, 11:30ean.

Hau bukatzean, lehenengo mailako finala izango da, Lazkano-Korta arrasatearrek eta Gomez-Zubiria mallabitarrek jokatuko dutena.

Badira hainbat urte txapelketa hau antolatzen dutela, eta ordutik, urtero egiten dute. "Ez nago guztiz ziur, baina 8 edo 9 urte izango dira honezkero", adierazi du Mauricio Zubillaga antolatzaileak.

Zubillagak berak ere parte hartu du txapelketan. Izan ere, Debagoieneko hiru bikotek hartu dute parte, Zubillaga-Bengoa gatzagarrek, Saizar-Etxeberria aramaioarrek eta finalera iritsi diren Lazkano-Korta arrasatearrek, hain zuzen. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak