Atzo bildu zen Eneka Zankada alkatea Osakidetzako ordezkariekin, Gatzagan izango diren udako osasun zerbitzuen murrizketak direla-eta. Bilera ostean egoerak berdin jarraitzen du eta ez da medikurik ez erizainik egongo uda osoan zehar. Eskoriatzako medikua da Gatzagara astean behin igotzen dena, baina, bertako murrizketak direla medio, egunero geratuko da Eskoriatzan, Gatzagara igo barik. Eta erizainik ere ez da egongo uztailaren 14tik aurrera ez da erizainik egongo herrian. Salbuespena hilaren 21a izango da: erizainak zeregin bereziak izango ditu bailaran eta, bide batez, zerbitzua ere eskainiko du; udako gainontzeko egunetan ez. Aldiz, zerbitzu minimo eta beharrezkoak mantendu guran, behar bereziak dituztenendako etxez-etxeko zerbitzuak martxan jarraituko du udan; betiko legez astean hirutan.
Arazo honen aurrean argi dauka Zankadak datorren urtera begira beste planteamendu bat egin beharko dutela herritarren onerako.