Herriaren goialdean dagoen ur biltegian hasi dituzte lanok: Aste barruan herriraino joango den kanala egin dugu, eta kanal horretan sartuko ditugu uraren eta gasaren hodiak. Gasaren hodia sartzeko, gainera, distantzia batzuk errespetatu behar dira, eta horregatik egin dugu metro bateko zabalerako eta metro eta hamar zentimetroko sakonerako kanala.
Goialdeko zelaiko lanak egiteko ez dute arazorik izan, baina datorren astean hasiko dira herrian lanean, eta orduan gura beste buruhauste izango ei dituzte: "Kanala errepideraino iristen denean gogotik egin beharko dugu lan. Hasteko, malda moduko bat dago errepidearen gainean, eta gero, errepide mozketak egin beharko ditugu, bertan suteetako ur-hargunea jarriko dugu-eta".
Azkenik, lanak noizko amaituko dituzten galdetzerakoan, Iñaki Egurenek baldintza asko daudela esan digu, eta ezin duela data zehatzik esan. Hori bai, ez luke gurako lanak lau hilabete baino gehiago irautea.