Otsailaren 5ean, zapatua, Leintz Gatzagan Inauteri eguna ospatuko dute. Alde batetik GURELek antolatutako ekimenak izango dira nagusi herrian. 17:00etan herriko plazan elkartzen diren gazteak altxorraren bila jokoan arituko dira. Baina gazteagoek ere izango dute zer egin, pilotalekuan eurentzako jolasak egingo baitituzte GURELeko kideek.
Gauean, berriz, Udalak antolatutako afari egingo dute gatzagarrek. Herritarrak Garro jauregiko bigarren solairuko elkartera joango dira mozorroak soinean dituztela. Besteak beste, frikatxa, arkumea eta postrea hartzeko aukera izango dute bertan. 21:00etan izango da hitzordua. Ondoren, dantzaldia izango dute Garro jauregiko lehenengo solairuan.