Domekan, hilak 5, Gatzagako I. Mountain bike irteera egingo dute. Txirrindulariak 10:00etan elkartuko dira, Dorletako santutegian. Nagusien martxak 28 kilometro izango ditu, baina gaztetxoendako ibilbide motzagoa izango da.
Dorletako Txirrindulari Taldeak 25 urte egin ditu aurten, eta antolatu dituzten ekitaldi berezien artean domekako mendiko bizikleta martxa dago. Nagusien ibilbideak 28 kilometro luze izango ditu. Gaztetxoendako, baina, 5 kilometroko luzera izango duen ibilbidea prestatu dute: Dorletako santutegitik Landara arte.
Inguruko probak baino motzagoa
Antolatzaileen esanetan, Gatzagako mendi bizikleta martxa ez da oso gogorra izango. Hori esan digu behintzat, Manolo Zubillagak: "Oñatiko probak 40 kilometro ditu, eta Eskoriatzako irteera ere gogorragoa da. Horiekin alderatzen badugu, Gatzagakoa irteera lasaia da".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak