Logoa

Aukeratu dute museorako izena

 Eskoriatza Ibarraundi museoa izena aukeratu du epaimahaiak. Arrasatear baten lana hautatu du eta ezer zehaztu ez badute ere, aldaketak egin ditzaketela eman dute aditzera antolatzaileek.

Korrika iritsi bitartean, ekimen ugari Eskoriatzan

 Eskoriatza Korrika Txikia eginaz hasi dituzte gaurko ospakizunak Eskoriatzan. Ikastxetxeetako ikasleek parte hartu dute bertan, eta arratsalderako beste hainbat ekimen antolatu dituzte.

Roy eskoriatzarraren lanak Arrasateko Harresi aretoan ikusgai

 Eskoriatza Paisaiak margotzen ditu batez ere eskoriatzarrak eta urak toki berezia du bere lanetan. Hilaren 20ra arte daude ikusgai hogeita bederatzi lan Arrasateko Harresi aretoan.

Zuhaitz eguna Eskoriatzan

 Eskoriatza Martxoak 17, osteguna, zuhaitz eguna ospatuko da Eskoriatzan.

Guraso Eskola martxoaren 15 eta 17an

 Eskoriatza Guraso Eskola martxoaren 15ean hasiko da. Hasiera batean, baina, hilaren 16an eman behar zioten hasiera ekimenari. Korrika dela-eta aldatu dute hasiera data.

Literatura Astea HUHEZIn: literatura eta bidaia

 Eskoriatza Mondragon Unibertsitatearen Humanitate eta Hezkuntza Zientzien Fakultateak, HUHEZIk, gaur aurkeztu du Literatura Astearen VII. aldia. Aurtengo gaia nagusia Literatura eta Bidaia izango da.

Gazte Mugiko ikasleek HUHEZIn deia egin dute

 Eskoriatza Martxoaren 25ean eta 26an Markinan elkartuko dira Euskal Herriko gazteak. Hainbat lan taldetan banatuko dira egitasmoak eraginkorragoak izateko, eta Eskoriatzako HUHEZIn egin zuten egubakoitzean ikasle taldearen aurkezpena.

Mendi irteera Luis Ezeizako Guraso Elkartearen eskutik

 Eskoriatza Mazmela eta Zarimutz aldera joango dira Luis Ezeiza Guraso Elkarteko lagunak domeka honetan. Mendi ibilaldiak antolatzen hasi ziren otsailean, Eskoriatza inguruak ezagutzeko asmoz.

Lukas Prest taldeak maketa kaleratuko du

 Eskoriatza Datorren astean kaleratuko du Eskoriatzako Lukas Prest taldeak maketa. Zazpi abestiz osatuta egongo da eta taberna eta gaztetxeetan jarriko dute salgai.

Biblioteka goizetan ere zabalik

 Eskoriatza Ostegunetik aurrera, Eskoriatzako biblioteka goizez ere zabaldu egingo dute.

Totamka taldearen emanaldia gaur, egubakoitza

 Eskoriatza Gaur gauean Madrildik etorritako taldeak nagusientzako ipuin kontaketa eskainiko du HUHEZIko fakultatean.

Paco Ibáñez-ek kontzertua emango du Eskoriatzan

 Eskoriatza Apirilaren 16an emango du kontzertua Eskoriatzako kiroldegian, 22:30ean. Eskoriatzako Udalak antolatu du kontzertua.

Martxoaren 1ean Juan Carlos Bengoa alkatea GOITBn

 Eskoriatza Aste honetan agertu behar zen Eskoriatzako alkatea GOITBko Debarri saioan. Astebete atzeratu dute agerraldia.

Guraso Eskola laster abian

 Eskoriatza Martxoan hasita Guraso Eskola abian izango da Kultur Etxean. Iaz izandako harrera ikusita, esperientzia errepikatzea erabaki du Udalak.

Hiltegia ixtea kaltegarria dela ondorioztatu dute

 Eskoriatza Azken bi egunotan egin dituzte Zubillagako hiltegiaren gaineko jardunaldiak Eskoriatzako Ibarraundi Museoan. Bi saioetan esku hartu dutenek ondorioztatu dute Zubillagako hiltegia ixtea kaltegarria izango dela ibarreko baserritar, abeltzain eta harakinendako.

Ibarraundiko museorako izen eta logotipo lehiaketa deitu dute

 Eskoriatza Ibarraundi jauregian dagoen museoarentzat izen eta logotipo berria nahi dituzte. Horretarako, lehiaketa deitu dute. Martxoaren 8a baino lehen eraman behar dira proposamenak Ibarraundi jauregira.

Urdelardero Eguna ospatzen hasi dira neska-mutikoak

 Eskoriatza Goizean hasi dituzte ospakizunak. Ikastetxeetako gazteak baserritar jantzita eta ziria eskuetan zutela herriko pilotalekura gerturatu eta bertan egin dituzte goizeko ekintzak.

Zubillagako hiltegiari buruzko jardunaldiak

 Eskoriatza Otsailaren 8 eta 9an Zubillagako hiltegiari buruzko mahai-inguruak egingo dituzte Eskoriatzako Ibarraundi jauregian. Hainbat hizlarik hartuko dute parte, eta itxieraren kontrako eta aldeko iritziak plazaratuko dituzte. Izan ere, herritarrek gaiari buruzko informazioa edukitzea lortu gura dute.

HUHEZIn, euskal irakaskuntzaren alde

 Eskoriatza EHUko Arkitekturako ikasleek euskal irakaskuntzaren gaineko hitzaldi bat eman dute HUHEZIn. 2001ean bizi izandako jazarpena abiapuntu hartuta, ikasleek molde berriak asma ditzaketela esan diete hitzaldia entzutera gerturatu direnei.

Udalak 22.429 euro banatuko ditu gobernuz kanpoko erakundeen artean

 Eskoriatza Eskoriatzako Udalak aurrekontu-sail bat erabiltzen du urtero gobernuz kanpoko erakundeei emateko. Aurten bostek jasoko dute laguntza; guztira 22.429 euro bideratuko dituzte horretara.

Gida komertziala

Gida komertzialeko produktuak

Erreabilitazioa
Kafetegia
Prentsa
Axtroki moneta propioa
Ilea moztu