Ganuza etxea bisitatuko dute bihar Markel Olanok eta Cristina Uriartek

Imanol Beloki Unamuno 2017ko mar. 9a, 15:23
Gaunaza etxea –Arizmendiko Jose Arana gunea–.

Eusko Jaurlaritzako Hezkuntza sailburu Cristina Uriartek eta Gipuzkoako diputatu nagusi Markel Olanok Eskoriatzako XVII. mendeko Ganuza jauregia –Arizmendiko Jose Arana gunea– bertatik bertara ezagutzera joango dira bihar.

10:30ean egingo diete harrera; Haur Hezkuntza garatzeko prestatu eta egin berri duten proiektu eraldatzailea jarri dute martxan eraikin horretan, eta lanak nola geratu diren ikustera joango dira. 10:40 inguruan, Yagoba Larrañaga obren arduraduna (alde arkitektonikoa) eta diseinuaren zuzendaritza kudeatu duten Amaia Arrietak eta Aitor Elizaranek (alde pedagogikoa) eraikinaren ibilbide gidatua egingo diete agintariei.

11:15ean, berriz, Aitziber Arregi Arizmendi Ikastolako lehendakariak,  Joserra Zubizarreta, Eskoriatzako alkateak, Markel Olano Gipuzkoako diputatu nagusiak, Cristina Uriarte Hezkuntza sailburuak eta Joxean Alustiza Gizabidea Fundazioko lehendakariak adierazpenak egingo dituzte Ganuza jauregiko pintura gelan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak