Danbaka Musika Lehiaketako azken edizioa irabazi zuten Xarma taldeko Itsaso Gutierrez (ahotsa eta gitarra) eta Denis Alberdik (bateria) talde berria osatu dute Ibai Suarezekin (baxua) batera: On musika taldea. Gaur, egubakoitza, kontzertua eskainikok dute Eskoriatzako Inkernun, 22:00etan.
Gutierrezek azaldu digunez, rock munduan oso ohikoak ez diren emakumeekin lotutako gaiak lantzen dituzte abestietan: bulimia, emakumeek maitasuna bizitzeko modua, familiako kideen zaintza, tratu txarrak... Rocka "askatzeko baliabide" moduan ikusten du Gutierrezek eta orain arte batez ere "gizonezkoen musika estiloa" izan denez, hegemonia hori "puskatu" nahi dute. Hori guztia, rock melodikoa oinarri hartuta.
Disko berria
Uztailean lehen lana grabatzeari ekingo diote Bilbon. Eskoriatzako Inkernun taldea ezagutzera emateko zuzenekoa eskainiko dute, gaueko 22:00etan. Informazioa gehiago duzue www.onmusika.com helbidean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
