Izena ematearekin batera, 40 euro ordaindu beharko dituzte (bazkaria eta autobusa daude sartuta). Azken horren harira, Aitzorrotzetik jakinarazi dute gurasoekin doazen haurrek ez dutela autobusa ordaindu beharko.
Esan bezala, otsailaren 19an egingo dute irteera. Egun osokoa izango da; asmoa da 09:00etan Eskoriatzatik irtetea eta 19:00ak aldera itzultzea.
Adarra mendira igotzea
Hain justu ere, honakoa izango litzateke egun horretarako plana. Eskoriatzatik irten eta Adarra mendira igoko dira parte hartzaileak. Donostialdeko mendirik garaiena da hori; 811 metroko garaiera du. Urnieta, Andoain eta Hernani artean dago.
Jarraian, handik jaitsi eta Urnietarantz abiatuko da autobusa; hango Elutxeta sagardotegian gertu izango dute-eta sagardotegiko menu gozoa.