Iaz, Udaleko Lan eta Zerbitzuen eta Hirigintzako Sailak herritarrengana jotzea erabaki zuen. Helburua zen udalerria hobetzea, eta gainera bizilagunen gustura bazen, askoz hobeto. Besteak beste, gura zuten ailegaerreztasuna bermatzea, espaloiak hobetzea, hiri-altzariak ordezkatzea eta abar.
Bizilagunek 200 proposamen egin zituzten. Horietatik Udalak 88 aintzat hartu eta egin ditu; 27 laster egiteko asmoa dauka; eta beste batzuk atzera bota ditu. Besteak beste, arrapalak, eskudelak, markesinak, ispiluak, pibotak, eserlekuak eta abiadura murrizteko bandak jarri eta konpondu dituzte.
Udala oso pozik dago herritarren harrerarekin eta egunotan batzar gehiago egiten dabil hainbat herritarrekin.