Urtero Eskoriatzara kanpoko hainbat bisitari etortzen dira, batez ere ikasleak. Gehienak Museo Eskola ikustera etortzen dira, baina Udalak udalerriak dauzkan beste altxor batzuk erakutsi gura ditu.
Horretarako, erabaki dute Ibarraundi jauregiaren sarreran bisitariendako harrera-leku edo informazio-puntu bat jartzea. Jauregiaren inaugurazio ofiziala egin orduko San Pedroko jaien inguruan harrera-lekua prest egongo litzateke.
Horrez gain, Udalak asmoa du udalerriaren gaineko liburuxkak kaleratzeko eta baita ere ikus-entzunezko bat egiteko. Are gehiago, asmoa dute laster udalerriko zazpi elizateetan bisitariendako informazio-panel bereziak jartzeko.