Jaiak aste barruan ospatzeak jende gutxiago egotea adierazten du sarritan. Baina San Pedro jaietan herrian dauden eskoriatzarrak primeran dabiltza. Egitarau zabala dute eskura, eta ez dago aspertzeko betarik. Haurrek beraientzako egitarauaren barruan buruhandiak, pailazoak eta Euskaraokea izan dituzte ikusgai. Malaje ikuskizunak jende ugari bildu zuen Gorosarri plazan martitzen gauean; eta pilota partidura ere jende ugari hurreratu zen martitzen arratsaldean.
Gaur gauean, ekainak 30, Correfoc edo suzko kalejira izango da ikusgai Diables de Badalona taldearen eskutik. Piroteknia elementuak erabiliz, zirrara eragingo dute herritarrengan 23:00etatik aurrera.
Bihar, uztailak 1, ostera, Euskal Jaia ospatuko dute eta giro bikaina sortuko da Eskoriatzako kaleetan. Talogileak, euskal dantzak, umeendako jolasak, herri kirolak, kalejira eta nola ez heri bazkaria Gorosarri plazan, 14:30ean. San Pedro jaiei bukaera eman gura dionak badaki nora jo behar duen bihar.