Eskoriatzako Radar enpresak 25 urte bete ditu gaur, eta urteurrena ospatzeko zenbait ekitaldi antolatu dituzte. Etxetresna elektriko txikien negoziora bideratutako enpresa da Radar, eta Fagor-ek sortu zuen orain 25 urte.
Gaur, urteurrena ganoraz ospatzeko, zenbait ekitaldi egin dituzte Eskoriatzako lantokian. 11:30ean bisita gidatua egin dute enpresako langile eta bisitariendako. Besteak beste, lapikoak egiten dituzte Radarren, eta nola egiten dituzten ikusteko aukera izan dute bisitariek.
Gero, eguerdiko 12:30ean ekitaldi ofizialari hasiera eman diote, eta ekitaldi horretan izan dira, besteak beste, MCCko zuzendariorde Fernando Gómez-Acedo eta Fagor Etxetresna elektrikoko Errektore Kontseiluko presidente Javier Gantxegi.
Langileek bazkaria egin dute Leintz Gatzagako Gure Ametsa jatetxean
Fagor etxetresna elektrikoak enpresako zuzendari nagusi Pablo Mongelos-ek eta Radar-eko gerente Jesus Irurek ere esku hartu dute ekitaldian. Guztiek gogora ekarri dute enpresaren ibilbidea, eta langileendako esker oneko hitzak izan dituzte.
Hain zuzen ere, ekitaldiaren ostean, Radar-eko langileek bazkari ederra egin dute Leintz Gatzagako jatetxe ezagun batean. Guztiek ospatu dute Radar enpresaren 25.urteurrena, ea beste 25 betetzen dituen.