Herriko proiektuen edota herritarren kezken gainean galdegingo dio Alberto Gorritibereak Juan Karlos Bengoa Eskoriatzako alkateari. Saioa ez da, ordea, alkatearen berbetara mugatuko eta herritarrek ere izango dute hitza; eskoriatzarrek zuzenean parte hartu ahal izango dute saioan, 943 71 23 93 telefono zenbakira deituz.
Denetariko erreportajeak
Galdera-erantzunen artean erreportajeez gozatzeko aukera eskainiko du saioak:
- Gipuzkoako Ikastolen elkarteko lehendakari Joxe Ramon Zubizarretak bere ikuspuntuaren berri emango du.
- Isabel Guridik eta Arrate Landak Museo-Eskola berriaren nondik norakoak azalduko dituzte.
- Unai Salaberria, Maringo auzo alkatea, elizatea mehatxatzen duten proiektuen gainean mintzatuko da.
Herriz-herri
Hamabostean behin eskaintzen du Goitbk Goienan herriz-herri saioa. Debagoieneko herrietako eta Aramaioko proiektuak eta arazoak mahaiaren gainean jartzea du helburu. Saioak ordubete irauten du.