Takolo, Pirritx eta Porrotx pailazoak ikuskizun berriarekin datoz bihar Eskoriatzara: Poxpolin Marisorgin. Gaur egingo dute Markinan ikuskizunaren aurkezpena, eta dagoneko, bihar, gure herrian izango ditugu.
Poxpolin Marisorgin sorgin izan gura duen neskatoa da. Osaba Nikasiok, ostera, ez du horrelakorik entzuterik ere gura, eta bere eskuetan dagoen guztia egingo du ez dadin sorgin izan. Hala ere Marisorginek izango ditu lagundu gura dioten lagun bi: Takolo eta Porrotx.
Behar bada Pirritxen falta igarriko dute umeek biharko ikuskizunean, ez da-eta egongo; izan ere, umea izan berri du, eta oraindik ez da lanean hasi. Hala eta guztiz, Takolo eta Porrotx lagun askorekin datoz, eta Eskoriatzan batuko diren umeek ondo baino hobeto pasa dezaten ahaleginduko dira.