Logoa

Asentzio eguna 2004 argazkitan

 Elgeta Ekitaldi batzuetako hainbat ekitaldiren argazkiak jaso ditugu goiena.net-en. Batzuk Astelehenetako Goienkariatik jasoak eta baita Elgetako Gaztetxekoek bidalikoren bat ere, esaterako arratsaldeko soka-tirakoak. Webgune honetan jarri ditugu ikusteko moduan. Jaiaren errepasoa argazkitan.

Udalean dagokion zinegotzia eskatu du Elgeta Auzolanian plataformak

 Elgeta Udal Hauteskundeak egin zirenetik urtebete pasa da aste honetan, eta herri plataformetako kideek Udaletan ordezkaritzarik ez dutela salatzeko protesta ekintzak egin dituzte asteon. Elgetan kontzentrazioa egin zuten martitzen iluntzean plazan.

Mikel Elkoro 211. izan zen Zegama-Aizkorri mendi maratoian

 Elgeta Mikel Elkoro elgetarrak oso denbora ona egin zuen eta geratu zen 221. postuan. Ibilbide luze eta maldatsu hau egiteko denbora: 6:18:31. 333 lagunek zuten emanda izena eta ez zuten denek amaitu. 300 lagunek lortu zuten helmugara iristea.

Jende ugari eta giro bikaina atzo, domeka, Asentzio eguneko ospakizunean Elgetan

 Elgeta Ekitaldi ugari egin ziren; horien artean, txirrindulari txapelketa, meza nagusia, dantzarien emanaldia eta herri bazkaria

Pilotalekua itxita martitzenetik barikura bitartean

 Elgeta Konponketa lan batzuk direla eta datorren martitzenetik barikura bitartean Udal Pilotalekua itxita egongo da.

Asentzio Eguna domekan

 Elgeta Domekan, hilaren 23an, Asentzio Eguneko ospakizunak egingo dira Asentzio gaineko putzuaren aldamenean. Gazte asanbladakoek izango dute ekitaldiak gertatzeko ardura, eta aurrez, eguna girotzeko, gaurko rock kontzertua antolatu dute.

Mahaikideak hautatuta Europako Parlamenturako hauteskundeetarako

 Elgeta Egin beharreko zozketak egin ziren orain egun batzuk egindako Osoko Bilkuran. Hautesle mahaia osatuko duen jedea hautatua izan da, beraz. Kasualidadeak agintzen du eta ez dira libratzen aurreko mahaietan izandakoak ere. Mikel Elkokro Osa, esaterako, aurreko hauteskundeetan egon zen eta oraingoan ere egongo da. Ofizioa ikasia izango du, behintzat.

HZ Ilegalizatzeko arrazoi eta izenen artean Elgetako Udalera aurkeztutako Loiti ageri da

 Elgeta Herritarren Zerrenda taldea ilegalizatzeko arrazoi eta izenean artean agertzen da Elgetan aurkeztu zen pertsona bat, Ramón María Loiti Larrañaga: ilegalizatuta dagoen HB talde politikotik izan zen hautagai Elgetako Udalerako hauteskundeetan, Segurtasun Indarren esanetan, beti ere. Estatuko abokatutzak errekurtsoa aurkeztu du Auzitegi Gorenean.

Elizako erlojua konponduta

 Elgeta Eguenean hasi ziren elizako kanpaiak erlojuarekin batera soinua ateratzen eta barikuan ordua adierazten duten orratzak ipini zizkioten kanpandorreko erlojuari. Izan ere, iazko udan utzi zion funtzionatzeari eta Gasteizen konponketak egin ostean berriz ere ordua emango die elgetarrei hemendik aurrera.contributors:

Osatu dute zinpeko epaimahaia, lekukoak testigutza ematen hasiko dira

 Elgeta Guztira bederatzi izango dira zinpeko epaimahaia osatuko duten pertsonak, Elgetako tabako saltzailearen hilketa argitzeko. Gaur osatu dute epaimahaia eta bihar hasiko dira lekukoak testigutza ematen. Guztira zortzi lekukok egingo dute bihar testigantza. Jarraipen zehatza egingo dugu goiena.net-en. Horretarako kazetari bat jarri dugu Donostiako epaitegian.

Gaur hasiko da epaiketa, argitzeko tabako saltzailearen hilketa

 Elgeta Gaur, astelehena, hasiko da Arrate Elkoro Telleria elgetarraren heriotza argitzeko epaiketa. Bederatzi hiritarrek osatutako tribunalak ebatzi beharko du 2002. urtean Elgetako tabako-denda jabearen hilketaren gainean.

ETB Kantxa torneoa: Garate eta Elortza txapelketatik kanpo

 Elgeta ETB Kantxa lau t’erdiko pilota txapelketa aurrera doa. Oraindik maila bakoitzean bikote asko geratzen dira sailkapen fasea jokatzeko, baina elgetarrak jadanik kanporatu dituzte. Bestalde, Ozkarbikoak Debarroko Txapelketa jokatzen dihardute.

Lapurrak hiru aldiz sartu dira gaztetxean

 Elgeta Elgetako gaztetxekoak ez dabiltza zorteko azken aldian. Hamabost egunen barruan hirugarren lapurreta egin dute bertan. Lapurrek dirua eraman dute sartu diren hiru aldietan. Salaketa ipini badute ere oraindik ez da jakin nor izan den lapurreten egilea.

"Dantza plazara" erakusketa egiteko argazkiak behar dira

 Elgeta Elgetako Jai batzordea antolatzen ari da erakusketa bat. Erakusketaren gaia izango da dantza. Ez da bakarrik erretratu erakusketa bat izango. Izango dira baita ere jantziak, dantzan erabili diren tresnak… Euskal Jaietako dantzak, dantza solte txapelketak, erromeriak, dantzaldiak, aurreskuak… denetariko argazkiak batu gura dira. Herriari ere deia egiten zaio ohar honen bidez.

Plazatik Gaztetxera bertso txapelketa barikuan

 Elgeta Plazatik Gaztetxera bertso txapelketako lehen kanporaketa bariku gauean jokatuko da gaztetxean. Aurrez afaria izango da.

Udal aurrekontuak onartuta: 6.808.443 euro

 Elgeta Ezohiko udal batzarra egin zuten martitzenean udaletxean eta 2004 urterako 6.808.443 euroko aurrekontua onartzea adostu zuten EAJ-EA koalizioko eta Aralarreko ordezkarien baiezko botoekin. Elgeta Auzolanian plataformako kideek ere aurrekontuen gaineko iritzia eman zuten.

Hasi berri den areto futboleko emaitzak eta egutegia sarean

 Elgeta Areto futbola asteburuan hasi da. Lehenengo partiduak izan dira eta Elgetakoak fin ibili dira. Aurten Eibarreko, Arrasateko eta Bergarako taldeak ere badaude. Sarean ere jarraitu daitezke bai emaitzak eta bai sailkapena ere. Elgetako Udalak horretarako aukera ematen du.

Espainiako Gerran fusilatutako zazpi lagunen gorpuzkien arrastoa aurkitu dute

 Elgeta Gerra Zibilean fusilatu zituztenen zerrenda luzatzen doa. Oraingoan, Elgetan aurkitu dute orduan hildako lagunen gorpuzkien arrastoa.

Itxaro Bordak Iparraldeko literatura gerturatu zigun

 Elgeta Iparraldea Bertan ekitaldien barruan antolatu zen emanaldia. Itxaro Bordak serio izan zituen entzuleak eta Pier-Pol Berzaitzek kantuan ere jarri zituen entzuleak errepikak eginez. Karlos Jimenez bikain. Hogei lagun inguru batu ziren herriko liburutegian.

Liburuaren Eguna: liburuak kalera

 Elgeta Azken urteotako ohiturari jarraituz, apirilaren 23an, barikuan, liburutegian jasotako azken liburuak ipiniko dituzte herriko erakusgai Liburuaren Nazioarteko Eguna dela eta. eguna dela-eta, apirilaren 23an, azkeneko urteetako ohiturari

Gida komertziala

Barrenengua

Barrenengua Hegoetxeaga
20690 Elgeta
Tel.: 943768221
http://www.nekatur.net/barrenengua

Gida komertzialeko produktuak

Karpetak
Taladro sakona
Urdaiazpikoak
Plater konbinatuak