Osatu dute zinpeko epaimahaia, lekukoak testigutza ematen hasiko dira

 Elgeta Guztira bederatzi izango dira zinpeko epaimahaia osatuko duten pertsonak, Elgetako tabako saltzailearen hilketa argitzeko. Gaur osatu dute epaimahaia eta bihar hasiko dira lekukoak testigutza ematen. Guztira zortzi lekukok egingo dute bihar testigantza. Jarraipen zehatza egingo dugu goiena.net-en. Horretarako kazetari bat jarri dugu Donostiako epaitegian.

Gaur hasiko da epaiketa, argitzeko tabako saltzailearen hilketa

 Elgeta Gaur, astelehena, hasiko da Arrate Elkoro Telleria elgetarraren heriotza argitzeko epaiketa. Bederatzi hiritarrek osatutako tribunalak ebatzi beharko du 2002. urtean Elgetako tabako-denda jabearen hilketaren gainean.

ETB Kantxa torneoa: Garate eta Elortza txapelketatik kanpo

 Elgeta ETB Kantxa lau t’erdiko pilota txapelketa aurrera doa. Oraindik maila bakoitzean bikote asko geratzen dira sailkapen fasea jokatzeko, baina elgetarrak jadanik kanporatu dituzte. Bestalde, Ozkarbikoak Debarroko Txapelketa jokatzen dihardute.

Lapurrak hiru aldiz sartu dira gaztetxean

 Elgeta Elgetako gaztetxekoak ez dabiltza zorteko azken aldian. Hamabost egunen barruan hirugarren lapurreta egin dute bertan. Lapurrek dirua eraman dute sartu diren hiru aldietan. Salaketa ipini badute ere oraindik ez da jakin nor izan den lapurreten egilea.

"Dantza plazara" erakusketa egiteko argazkiak behar dira

 Elgeta Elgetako Jai batzordea antolatzen ari da erakusketa bat. Erakusketaren gaia izango da dantza. Ez da bakarrik erretratu erakusketa bat izango. Izango dira baita ere jantziak, dantzan erabili diren tresnak… Euskal Jaietako dantzak, dantza solte txapelketak, erromeriak, dantzaldiak, aurreskuak… denetariko argazkiak batu gura dira. Herriari ere deia egiten zaio ohar honen bidez.

Plazatik Gaztetxera bertso txapelketa barikuan

 Elgeta Plazatik Gaztetxera bertso txapelketako lehen kanporaketa bariku gauean jokatuko da gaztetxean. Aurrez afaria izango da.

Udal aurrekontuak onartuta: 6.808.443 euro

 Elgeta Ezohiko udal batzarra egin zuten martitzenean udaletxean eta 2004 urterako 6.808.443 euroko aurrekontua onartzea adostu zuten EAJ-EA koalizioko eta Aralarreko ordezkarien baiezko botoekin. Elgeta Auzolanian plataformako kideek ere aurrekontuen gaineko iritzia eman zuten.

Hasi berri den areto futboleko emaitzak eta egutegia sarean

 Elgeta Areto futbola asteburuan hasi da. Lehenengo partiduak izan dira eta Elgetakoak fin ibili dira. Aurten Eibarreko, Arrasateko eta Bergarako taldeak ere badaude. Sarean ere jarraitu daitezke bai emaitzak eta bai sailkapena ere. Elgetako Udalak horretarako aukera ematen du.

Espainiako Gerran fusilatutako zazpi lagunen gorpuzkien arrastoa aurkitu dute

 Elgeta Gerra Zibilean fusilatu zituztenen zerrenda luzatzen doa. Oraingoan, Elgetan aurkitu dute orduan hildako lagunen gorpuzkien arrastoa.

Itxaro Bordak Iparraldeko literatura gerturatu zigun

 Elgeta Iparraldea Bertan ekitaldien barruan antolatu zen emanaldia. Itxaro Bordak serio izan zituen entzuleak eta Pier-Pol Berzaitzek kantuan ere jarri zituen entzuleak errepikak eginez. Karlos Jimenez bikain. Hogei lagun inguru batu ziren herriko liburutegian.

Liburuaren Eguna: liburuak kalera

 Elgeta Azken urteotako ohiturari jarraituz, apirilaren 23an, barikuan, liburutegian jasotako azken liburuak ipiniko dituzte herriko erakusgai Liburuaren Nazioarteko Eguna dela eta. eguna dela-eta, apirilaren 23an, azkeneko urteetako ohiturari

Lur azpiko zabor ontziak Torrealdean

 Elgeta Azken Udal batzarrean Torreldea urbanizatzeko eta bertan babes ofizialeko etxebizitzak egiteko baldintzak adostu zituzten. Lanak zeinek egingo dituen erabakitzeko dago oraindik, baina besteak beste inguru horretan lur azpiko zabor ontziak ipintzeko asmoa azaldu zuten.

Futbito txapelketa abian asteburuan

 Elgeta Apirilaren 23an, hasiko da aurtengo Areto Futbol Txapelketa. Lehenengo jardunaldian hiru partidu izango dira jokoan kiroldegi aurreko kantxan.

Hitzaldi musikatua: Itxaro Borda, Pier-Pol Berzaitz eta Karlos Jimenez

 Elgeta Itxaro Bordak hitzaldia egingo du; Pier-Pol Berzaitzek abestu egingo du, eta Karlos Jimenezek pianoa joko du. Hitzaldia iparraldeko literaturaren historiaren gainean izango da, izan ere, Itxaro Bordak dioen moduan "biziki aberatsa da".

Auto istripua Uberan

 Elgeta Elgeta eta Bergara artean istripua izan da goizean. Ubera auzoa pasa eta berehala auto bat errepidetik irten da eta zauriturik izan ez bada ere ertzainek trafikoa erregulatu behar izan dute.

Aberri eguna batera

 Elgeta Elgetako hiru alderdi politikoek elkarrekin egin dute Aberri Eguneko ospakizunerako deia.

Prozesioa bariku santuan

 Elgeta Bariku Santuan, meza ostean, prozesioa izango da herrian. Urte batzuetan desagertuta egon ondoren berreskuratutako ohitura da hau.

Gipuzkoako Eskola Txikien Jaia Elgetan

 Elgeta Gipuzkoan 25 eskola txikitik gora daude eta urtero horietako bat arduratzen da eskolen jaia antolatzeaz. Datorren urtean, 2005eko ekainean, Elgetako Herri Eskolaren txanda izango da. Eskolako Guraso Elkartea jadanik hasi da lanean.

Hitzaldia: Gizarte Politikarako Foru Diputatuak eguneko zentruaz

 Elgeta Hitzaldia gaur izango da. Esther Larrañaga izango da hizlari. Gizarte Politikarako Foru Diputatua Elgetako EAJk gonbidatuta dator. Udaletxeko Osoko Bilkuran berbaldia egingo du 19:00etan.

Ibilgailuen zerga apiriletik maiatzera kobratuko da

 Elgeta Udalak herriko ibilgailuen errolda egin ostean, gaur, apirilak 1, hasiko da zergak kobratzen. Jabeek maiatzera arteko epea izango dute ordaintzeko.

Gida komertziala

Haizea

Haizea Salbador kalea 5
20690 Elgeta
Tel.: 943768256

Gida komertzialeko produktuak

Menuak
Mekanizazioa
Txuletak
Razioak
Jostailuak