Areto Futboleko finalerdiak zapatuan

 Elgeta Zapatuan jokatuko dituzte Areto Futbol Txapelketako finalerdiak. Ariñiketan, Makanaki, Vicios eta Txapela sailkatu dira finalerdietarako.

Indusketen berri emango dute bihar Aranzadikoek

 Elgeta Elgetan, Intxorta inguruan eta Antsoategi baserriaren ondoan indusketa lanak egiten ari da Aranzadi Zientzia Elkarteko talde bat. 1936ko Gerra Zibilean hildakoen gorpuzkinen bila ari dira. Bihar prentsaurrekoa emango dute azken aurkikuntzen berri emateko.

Paella erraldoia jaietan, doan

 Elgeta Jaietan, zapatuan, herri bazkaria izango da plazan eta menua gertatua dute Jai Batzordekoek: Paella.

ETB Kantxako final laurdenak asteburuan

 Elgeta ETB Kantxa pilota txapelketa aurrera doa. Asteburu honetan eta hurrengoan final erdiak jokatuko dira. Maila bakoitzean zortzi pilotari gazte daude. Kadeteen mailan Apezetxea da faborito, baina 23 urtez azpikoetan ez dago argi zeinek egingo duen aurrera.

Areto futbol txapelketa final erdien atarian

 Elgeta Elgetako Areto Futbol Txapelketako lehen faseko partidu gehienak jokatu dira. Bat falta da final erdietarako zein sailkatuko den erabakitzeko.

Aralarrek urtebete Udalean eman ostean balorazio positiboa egin du

 Elgeta Udalean urtebete pasa ostean, balorazioa egin zuen Aralarrek astelehenean. Balorazio orokorra egin ostean, Gobernu akordioaz jardun zuten eta baita Udaleko hainbat proiekturen gainean ere. Bide batez aurrerantzerako dituzten asmoen berri ere eman zuten.

Arraindegia berriz zabalik

 Elgeta Ia hilabetez itxita egon ondoren, gaur arraindegira bisita egin duten herritarrek arraina erosi ahal izan dute.

“Etxebizitza Elgetan” gaia jorratu zen liburutegian

 Elgeta Intereseko gaia da jende artean. Jendea galdezka ari zen ia etxeen eraikuntza lanak nola doazen, non egin behar diren etxeak, zenbat… Babes Ofizialeko Etxeak edo etxe tasatuak ere izan ziren hizpide. Aralarreko bi zinegotzi eta Aralarreko hegoaldeko zuzendaritzako Fernando Heviak eman zuten hitzaldia 25-30 pertsonaren aurrean.

Elgetako Euskal Jaia: umeek herriko familien etxeetan bazkalduko dute

 Elgeta Ekainaren 27an Umeen Euskal Jaia egingo da Elgetan aspaldiko partez. Aspaldi hori antzinan beharko zen, galdetutako inork ez baitio jai batzordeari esan seguru noiz egin zen azken aldiz... 100 umetik gora etorriko dira ondoko herrietatik. Etxeetan banatuko dira bazkaltzeko orduan. Prest zaude umeren bat hartzeko?

"Etxebizitza Elgetan" hitzaldia antolatu du Elgetako Aralarrek

 Elgeta Hitzaldi informatibo baten berri eman digute Aralarretik. Etxebizitzen gaia pil-pilean dago Udalean eta interesatuak ere asko dira herrian. Babes ofizialeko etxebizitzak eta tasatuak izango dira hizpide. Udala aztertzen ari da Uruburuko esparruan nolakoak egin. Ekainaren 3an izango da, 20:00etan.

Izaskun Ojangurenek maketa bat grabatu du

 Elgeta Izaskun Ojanguren 21 urteko elgetarrak urte batzuk daramatza gitarra hartu eta kantuan. Jende aurrean lagun artean baino ez du abestu. Orain, maketa bat grabatu berri du eta jaietan herritarren aurrean joko duela aurreratu digu.

Asentzio eguna 2004 argazkitan

 Elgeta Ekitaldi batzuetako hainbat ekitaldiren argazkiak jaso ditugu goiena.net-en. Batzuk Astelehenetako Goienkariatik jasoak eta baita Elgetako Gaztetxekoek bidalikoren bat ere, esaterako arratsaldeko soka-tirakoak. Webgune honetan jarri ditugu ikusteko moduan. Jaiaren errepasoa argazkitan.

Udalean dagokion zinegotzia eskatu du Elgeta Auzolanian plataformak

 Elgeta Udal Hauteskundeak egin zirenetik urtebete pasa da aste honetan, eta herri plataformetako kideek Udaletan ordezkaritzarik ez dutela salatzeko protesta ekintzak egin dituzte asteon. Elgetan kontzentrazioa egin zuten martitzen iluntzean plazan.

Mikel Elkoro 211. izan zen Zegama-Aizkorri mendi maratoian

 Elgeta Mikel Elkoro elgetarrak oso denbora ona egin zuen eta geratu zen 221. postuan. Ibilbide luze eta maldatsu hau egiteko denbora: 6:18:31. 333 lagunek zuten emanda izena eta ez zuten denek amaitu. 300 lagunek lortu zuten helmugara iristea.

Jende ugari eta giro bikaina atzo, domeka, Asentzio eguneko ospakizunean Elgetan

 Elgeta Ekitaldi ugari egin ziren; horien artean, txirrindulari txapelketa, meza nagusia, dantzarien emanaldia eta herri bazkaria

Pilotalekua itxita martitzenetik barikura bitartean

 Elgeta Konponketa lan batzuk direla eta datorren martitzenetik barikura bitartean Udal Pilotalekua itxita egongo da.

Asentzio Eguna domekan

 Elgeta Domekan, hilaren 23an, Asentzio Eguneko ospakizunak egingo dira Asentzio gaineko putzuaren aldamenean. Gazte asanbladakoek izango dute ekitaldiak gertatzeko ardura, eta aurrez, eguna girotzeko, gaurko rock kontzertua antolatu dute.

Mahaikideak hautatuta Europako Parlamenturako hauteskundeetarako

 Elgeta Egin beharreko zozketak egin ziren orain egun batzuk egindako Osoko Bilkuran. Hautesle mahaia osatuko duen jedea hautatua izan da, beraz. Kasualidadeak agintzen du eta ez dira libratzen aurreko mahaietan izandakoak ere. Mikel Elkokro Osa, esaterako, aurreko hauteskundeetan egon zen eta oraingoan ere egongo da. Ofizioa ikasia izango du, behintzat.

HZ Ilegalizatzeko arrazoi eta izenen artean Elgetako Udalera aurkeztutako Loiti ageri da

 Elgeta Herritarren Zerrenda taldea ilegalizatzeko arrazoi eta izenean artean agertzen da Elgetan aurkeztu zen pertsona bat, Ramón María Loiti Larrañaga: ilegalizatuta dagoen HB talde politikotik izan zen hautagai Elgetako Udalerako hauteskundeetan, Segurtasun Indarren esanetan, beti ere. Estatuko abokatutzak errekurtsoa aurkeztu du Auzitegi Gorenean.

Elizako erlojua konponduta

 Elgeta Eguenean hasi ziren elizako kanpaiak erlojuarekin batera soinua ateratzen eta barikuan ordua adierazten duten orratzak ipini zizkioten kanpandorreko erlojuari. Izan ere, iazko udan utzi zion funtzionatzeari eta Gasteizen konponketak egin ostean berriz ere ordua emango die elgetarrei hemendik aurrera.contributors:

Gida komertziala

Goikoetxe

Goikoetxe Salbador kalea 1
20690 Elgeta
Tel.: 943788206

Gida komertzialeko produktuak

Koadernoak
Oilaskoa
Interruptoreak
Mekanizazioa
Bonbilak
Karpetak