Euskararen Ginkanan ari diren Elgetako mintzalagun taldekoen ekintza

Larraitz Zeberio Lekuona 2017ko urt. 12a, 11:00
Taldeko kideetako batzuk zintzilikatutako pankartarekin batera.

Hainbat herritarrekin batera koloreztatutako leloa zintzilikatu zuten eguaztenean kultura etxetik. Ekintza Euskararen Ginkanarako egin dute. Gertu dute finalerako txartela.

Bi probaren faltan @GinkanaElgeta taldeko seikoteak gertu du urtarrilaren 28ko finalerako txartela. Abendu erdialdetik dihardute Euskararen Ginkanan, eta aste honetako proba izan da sei eguneko epean euskararen aldeko kale ekintza bat antolatzea eta bideoa aurkeztea. Nork zainduko du euskara guk zaintzen ez badugu? irakur zitekeen eguaztenean kultura etxetik zintzilikatutako pankartan. Askotariko herritarrek lagundu dute mezu hori koloreztatzen.

Iruditan jaso dute prozesua eta bideo bat egin dute material horrekin. Bideo hori da aurkeztu dutena Euskararen Ginkararen bosgarren probarako. Oraingoz hirugarren doaz sailkapenean, eta finalerako txartela gertu dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak