Gaur, barikua, piztuko dituzte Gabonetako argiak arkuaren alde banatan, udaletxean eta plazan Horrela hasiko dira jai hauetarako iragarritako ekintzak.
Argiak urtarrilaren 9ra bitartean egongo dira ipinita. Hauen kostua 1.700 eurokoa da.
Zuhaitzak
Gabonetako apaingarri diren zuhaitzak ere herriko denda eta tabernetan egongo dira ikusgai egunotan. Izan ere, gaur amaituko da lehiaketarako Gabonetako zuhaitzak aurkezteko epea, eta jendaurrean ikusgai egon ostean, datorren abenduaren 23an jakinaraziko dute zein den onena.
Olentzero
Sari banaketaren egun berean Olentzero etorriko da herrira. Bere etorrera 18:30etarako aurreikusita dago. Intxortatik plazara joan eta bertan jasoko ditu herriko umeen gutunak.
Eskolako umeak
Gabonak direla eta egingo dituzte hainbat ekintza eskolako umeek ere.
-Abenduak 20: Bilboko Gabonetako Umeen Parkera irteera.
-Abenduak 21: Santo Tomas eguna ospatzeko, eskolan txorizoa eta opiltxoak banatuko dituzte.
-Abenduak 22 eta 23: Materiala birziklatuz eskolan jostailuak egingo dituzte umeek.
Jaialdia eta parkea
Honetaz gain, umeendako jolas parkea ere ipiniko dute urtarrilaren 3an eta 4an arratsaldez Udal pilotalekuan.
Umeendako ez ezik nagusiendako ere izango dira ekintzak. Abenduaren 30ean herritarren kantu jaialdia izango da Espaloia aretoan.