Martitzenean Ogasun batzordeak bilera egin zuen, eta beste hainbat gairen artean 2005erako ordenantza fiskalen eguneratzeari buruz jardun zuten.
Kontsumo Prezioen Indizearen (KPI) araberako zergen eta tasen igoera proposatu zuten, %3,2koa izatea, hain zuzen ere. Orain, osoko bilkuran onartu beharko da igoera hori. Urtero egiten dute gora udal zergek, eta aurten ere horrela egitea da proposamena. Tasak eta zergak gaurkotzean 2002ko irailetik aurtengo irailera bitartean KPIk izan duen igoera hartuko dute kontuan, eta %3,2 igoko lirateke Elgetaren kasuan. Iaz igoera %2,5 izan zela ikusita, aurtengo igoera handiagoa dela esan genezake.
Zaborrak
Hala ere, Udaleko zerbitzu guztietan ez da igoera bera aplikatuko. Aurten aipatzekoa da zaborrei dagozkien zergek igoera handia izan dezaketela.
Izan ere, zerbitzu hori eskaintzeak eragiten dituen kostuak ez dira betetzen ipinitako zergekin. Beraz, Mankomunitateak eskatuta herri guztietan igoko da tasa.