Domekan jokatu zen maratoia eta hau Zegama Aizkorri Mendi Maratoiaren III. Ekitaldia izan da. Aurreko 2 urtetan jasotako arrakastaren atzetik datorrena, hain zuzen. Arrakastatsua izan da bai, bai kirol mailan hala nola antolakuntza mailan ere, eta hain zuzen ere, horri esker, III. Zegama Aizkorri, Munduko Mendi Lasterketen Zirkuitoan , Buff- Skyrunner World Series FSA 2004 ko partaide izan zen eta mendi lasterketen Euskal Herriko I Txapelketa moduan jokatu zen.
Probaren ezaugarriak
Ibilbidea eta probaren ezaugarriak aurreko ekitaldietako ia berdinak izan dira. Lasterketa erdi - mailako mendietan izan da, Aratz eta Aizkorriko mendilerrotik zehar, EAEko tontorrik garaienak igaroz Aratz, Aizkorri, Aketegi eta Aitxuri ingurune zoragarri batean.
Proba hau, sasoi fisiko oso ona daukaten atleta eta mendizaleentzako da eta oso teknikoa eta zailtasun handikoa dela kontsideratzen da. 42,195 km-tan irteera eta helmuga Zegaman 12 pasagune - kontrol, 11 jan-edan postu, 3 kronometraje - kontrol eta tarteko helmuga bat egon ziren. Punturik baxuena Zegama da eta garaiena Aitxuri, igoera eta jaitsiera guztien artean ia 5.500 m-tako tartea metatzen delarik.
Proban 18 urtetik gorako kirolariek parte hartu zuten bakarrik, horrelaxe esaten zen oinarrietan-eta. Gehienez 300ek egin behar zuten maratoia eta guztiak lau kategoria ezberdinetan, hiru gizonezkoentzako eta bat emakumezkoentzako.
Asteleheneko Goienkariak jaso du berri gehiago, eta azalean, esaterako, zuhaitz Ezpeleta ageri da, Aizkorrin bigarren egin zuena. Lan bikaina arrasatearrarena. Elgetarra ere fin! zorionak!
Irabazlea Mario Pellotti
Italiarra izan zen irabazle eta marka berria egin zuen. Errekorra egin zuen, izan ere 2 minutu gutxiagoan egin zuen maratoia, 4 ordu eta 6 minututan.