Ez zen makala izan! Beterano hauek jo eta sua jardun zuten esku-pilotan. Nerbioso antzean aritu ziren bikote parea. Azkenean 22 tantu egiten lehenak Telleria eta Arantzabal izan ziren. Arantzetatarrak ere oso fin aritu ziren eta esperientzia badutela ezin ukatu.
Azken emaitza 22 eta 15 izan zen, baina gailendu zena frontoiko giroa. Pilota partidu hauek eman diote herriari bizitasun bat. Herriko jende askok hartu du parte eta ez bakarrik jokatzen. Ikusle asko izan dituen txapelketa izan da.
Kontsolazio partidua
Txispi eta Zenitagoiak ez zituzten gainditu Txapel eta Koldo. Partidu honen emaitza 22 eta 12 Txapel eta Koldoren alde.
Antolakuntza oso ondo
Oso ondo antolatua egon da txapelketa. Ondo iragarria, partehartzaileenganako ardura handia, epaileak, frontoia... dena egon da zaindua eta hori igarri da txapelketak izan duen arrakastan.