Logoa

0-3 urte bitarteko haur hezkuntza publikoa aztergai Jaurlaritzarekin

 Debagoiena Arrasate, Aretxabaleta, Eskoriatza eta Oñatiko alkateek proposamen bat egin diote Eusko Jaurlaritzako Hezkuntza Sailari; herri horietan 0-3 urte bitarteko haur hezkuntza, sare publikoan ere eskaini ahal izateko.

Uste baino kutsatuago daude Zerrajerako lurrak

 Debagoiena Fuel olio ugari atera dute Arrasateko Zerrajerako lurretatik. Udaleko ingurugiro arduradunek esan dute, gainera, balitekeela oraindik ere gehiago egotea. Baina horretaz gainera, besteak beste, amiantoa dago Zerrajerako lur azpian.

Juan Ramon Arriolabengoa: "aireportuko neurriak lehen baino txikiagoak dira "

 Debagoiena Ustez pneumonia atipikoa duten beste hiru lagun azaldu dira Txinan. Arrasate Irratian izan da Juan Ramon Arriolabengoa Fagor Automation-eko Asiako salmenta arduraduna. Arriolabengoak adierazi duenez, azken aldian prentsan agertu diren kasu horiek alarma faltsuak besterik ez dira.

Jaiotza ugari urte hasieran

 Debagoiena Gogor hasi da urtea Debagoieneko Eskualde Ospitaleko Amatasun Sailean. Aurten, urtarrileko lehen 13 egunetan, dagoeneko 23 ume jaio dira. Aurtengo daturik emateko goiz da oraindik, baina Eskualde Ospitalean aurreratu dute apirilean haur ugari jaioko direla.

Eragin txikia izan du ibarrean Gipuzkoa Anbulantziak enpresaren grebak

 Debagoiena Gipuzkoa Anbulantziak enpresako langileek mugagabeko greba hasi dute. Debagoienean zerbitzu minimoak jarri dituzte, eta grebak ez du eragin handirik izan. Era berean, Arrasateko Eskualde Ospitaleko arduradunek esan digutenez, Gipuzkoa Anbulantziak enpresak eskaintzen duen zerbitzua ez da batere ona.

Otsailetik aurrera astero bilduko ditu traste handiak Mankomunitateak

 Debagoiena Debagoienean, %22 egin du gora etxeko traste zaharren bilketak. Hori ikusita, Mankomunitateak erabaki du, otsailetik aurrera astero egitea bilketa berezi hori. Beraz, datorren hilabetetik aurrera altzari, koltxoi edo aulki zaharrak astero atera ahal izango dira. Bitxikeria gisa aipatu, aspalditxotik ordenagailuak ere ateratzen dituela jendeak, horiek ere zaharkituta geratzen baitira.

Etxebizitzak %10 garestitu dira Debagoienean azken urtean

 Debagoiena Azken urtean etxebizitzen salneurriak gora egin du Debagoienean. Bigarren eskuko etxebizitzek %10 egin dute gora, eta lehenengo eskukoek igoera handiagoa izan dute. Debagoieneko herririk garestiena da Arrasate eta merkeena Elgeta. Antzuolan, berriz, azken urteotan sekulako gorakada izan du etxebizitzaren prezioak.

Hamaika proiektu egin gura dituzte aurten Debagoienean

 Debagoiena Kultura ekipamenduak, berrikuntza guneak, zaharberritze lanak eta beste zenbait proiektu egin gura dituzte oraingo urtean Debagoienean. Besteak beste, Arrasaten lurrazpiko aparkaleku berria egingo dute, gaur egungo laubideko aparkalekutik gertu.

Preferenten, deskantsu barik

 Debagoiena Preferente mailakoek ez dute Gabonetan deskantsurik izan, eta oraingo asteburuan ere jardunaldia izango dute; hemeretzigarrena, hain zuzen. UDAk, Aloña Mendik eta Mondrak etxean jokatuko dute. Bergarak, berriz, Donostian jokatuko du, Santo Tomas Lizeoaren kontra.

Merkealdien gaineko aholkuak plazaratu ditu EKAk

 Debagoiena Urtero legez, iritsi da urtarrileko merkealdien garaia. Horren aurrean, Euskal Herriko Kontsumitzaileen Elkarteak (EKAk) hainbat gomendio plazaratu ditu. Kontsumitzaileek merkealdien gaineko legedia ezagutu dezaten, EKAk hainbat aspektu lantzen ditu. Esaterako, erositako produktua hondatuta egonez gero edo edozein akats izanez gero, saltzaileak derrigorrez aldatu behar du.

Lehenengo egunean 2.000 ibilgailu inguru autobide berrian

 Debagoiena Zapatuan inauguratu zuten Eibar-Gasteiz autobidearen lehen tartea; Maltzaga eta Bergara iparra artekoa, hain justu ere. Inaugurazio ekitaldian Gipuzkoako eta Arabako foru aldundietako agintariak eta Debagoieneko hainbat herritako alkateak izan ziren; besteak beste, Victoriano Gallastegi Bergarakoa eta Inazio Lakunza Arrasatekoa.

ASTELEHENEKO GOIENKARIA jaio da

 Debagoiena Argia ikusi du gaur goizean lehenengoz ASTELEHENEKO GOIENKARIAk. Asteburuan Debagoienean izan diren ekitaldien berri ematen digu: Santamas jaiak, autobidearen inaugurazioa, Urkuluko ibilaldia… Diseinu berri, erakargarri, ikusgarri eta modernoa erakusten du.

Egibar nagusitu da Debagoienean

 Debagoiena Oñati eta Antzuolan, Josu Jon Imaz aukeratu dute eta gainontzeko herrietan Joseba Egibar. Lehenengo itzuliko emaitzak errepikatu dira.

Elay enpresak Antton Abbadia saria jaso du

 Debagoiena Hilaren 18an, atzo, hartu zuten Elay-ko ordezkariek saria Foru Aldundian egin zen ekitaldian. Antzuolako Elay enpresa urteetan euskararen alde egindako lanagatik saritu dute. 1992 urtetik du Elayk euskara plana bere lantokietan.

'Asteleheneko Goienkaria'-ra harpidetzeko aukera webgune honetan

 Debagoiena Asteleheneko Goienkaria-k 2004. urteko otsailean hasiko du bere ibilbidea eta urte osoan zehar kaleratuko da. Diru kopuru txiki bat ordainduta etxean jaso ahal izango da. Goiena.net-etik harpidetza egiteko aukera dago, modu erraz eta azkarrean.

EHko tunel luzeena izango dena zabalduko dute Eibar-Bergara bide zatian

 Debagoiena Zapatu goizean, hilaren 20an, inauguratuko dute A-1eko lehenengo zatia, Eibartik Bergara iparraldera doana. Arratsaldeko 15:00etan, berriz, autoendako irekiko dute. Bide zati horrek hiru tunel izango ditu, eta horietako bat, Gallastegiko tunela (2370m), Euskal Herriko tunel luzeena izango da.

Gipuzkoako aurrekontuak: Aldundiak onartu ditu oposizioak aurkeztutako 93 emendakin

 Debagoiena Gastu sozialak izango du igoera handia. Diputatu nagusiak esana zuen ez zela asfaltoaren garaia. Hiru milioi euro gehiago inbertituko dira gastu sozialean. Elgetak ere izango du desiratzen zuen bariantea.

Aske geratuko da gaur Enrike Letona

 Debagoiena Enrike Letona arrasatearra bermepean askatuko dute gaur. Martitzenean, Audientzia Nazionaleko II. aretoan abokatuek aurkeztutako apelazio helegitea onartu zuten, eta hamabi mila euroko fidantza ezarri diote.

Mankomunitaterako egitura berria proposatuko du gaur Lakuntza presidenteak

 Debagoiena Gaur, hilak 17, Antzuolako Udaletxean egingo du bilera Debagoieneko Mankomunitateak, eta bertan erakunderako egitura berria proposatuko du Iñaki Lakuntza presidenteak. Aurrera begira, barne aldaketak egin nahi ditu, eta gaur horien aurrerapena egingo du.

Asteleheneko GOIENKARIAren Zero alea hilaren 22an

 Debagoiena Datorren astelehenean Goienak beste pausu bat gehiago emango du. Izan ere, Asteleheneko GOIENKARIA kaleratuko da. Eta lehenengo zenbakia, Zero alea, astelehenean, abenduaren 22an, ikusiko dugu kalean. Ekimen honen inguruan hitz egiteko Eneko Azkarate, GOIENKARIAko zuzendariarengana jo dugu.