Logoa

Goieskolak Haurreskolak Partzuergoan sartzeko eskatu die Udalei

 Debagoiena Debagoieneko Herri Eskolak biltzen dituen Goieskola Elkarteak dei egin die Arrasate, Aretxabaleta eta Eskoriatzako alkateei eta Eusko Jaurlaritzako Hezkuntza Sailari, Debagoieneko Herri Eskoletako zuzendariekin bildu daitezela. Helburua, 0-3 urte bitarteko hezkuntza zikloa abian jartzea gure bailarako herri guztietan, sare publikoan. Horrela, diote, aukera berdintasuna egongo delako herritar guztientzat, euren seme-alabendako hezkuntza eredua aukeratzeko orduan.

Udalek arazoak izan ditzakete Wi-Fi sareak jartzeko

 Debagoiena Telekomunikazioen Merkatuko Komisioak (CMT) espainiar estatuan sektoreko liberalizazioa zaintzen du. Komisio honek ez du begi onez ikusten udaletxeek erabilpen librekak diren hari gabeko sareak sortzea. Donostiako, Sopelako eta Oñatiko Udalek Wi-Fi sarea jarri nahi dute.

Goieskolak 0 eta 2 urte arteko hezkuntza eskaintzeko aukera izatea eskatu du berriz ere

 Debagoiena Goieskolak prentsaurrekoa egin du goizean Arrasaten. Debagoieneko eskola publikoak biltzen dituen elkartea 0 eta 2 urte arteko hezkuntza publikoa eman nahian ari da aspalditxoan. Erabakia, ordea, ibarreko udalen esku dago. Goieskolak udalei eskatu die, beste behin, sar daitezela Haurreskolak deitutako partzuergoan, aipatu zerbitzua eman ahal izan dezaten.

Anbulatorioko kontsulta batzuk ospitalera aldatuko dituzte

 Debagoiena Arrasaten dagoen Debagoineko Anbulatorioan berriztatze lanak egingo dituzte eta han dauden kontsulta batzuk ospitalera aldatuko dituzte bihar bertan. Zortzi kontsulta guztira.

BetiZu Arrasateko Uarkape pilotalekuan

 Debagoiena Debagoieneko haur zein gaztetxo guztiek Betizu Klubaren eskutik kanta eta dantza egiteko aukera izango dute. Zapatu honetan izango da, hilak 7, Arrasateko Uarkape pilotalekuan. Ekitaldia arratsaldeko 17:30ean hasiko da.

Preferenten, ibarreko talde ia guztiak ondo

 Debagoiena Preferente mailan jokatzen duten ibarreko ia talde guztiek asteburu borobila izan dute. Aloña Mendik (1-0) eta UDAk (3-0) hiruna puntu eskuratu zituzten eta Bergarak hamar jokalarirekin eutsi zion liderrari, Zarautzi (1-1). Mondrak, berriz, lau gol jaso zituen Touringen kontra (2-4).

Asteleheneko Goienkariaren aurkezpen ekitaldiak

 Debagoiena Hil honen 16an izango da kalean Asteleheneko Goienkariaren lehen alea. Hori dela eta, aurkezpen ekitaldiak antolatu ditu Goienak ibarreko hainbat herritan. Otsailaren 5ean, osteguna, 19:00etan Arrasateko udaletxean egingo da aurkezpena eta Oñatiko udaletxean 20:00etan. Herritar guztiei zabaldutako deialdia da.

Santa Ageda ospakizunak egongo dira ibarrean

 Debagoiena Beste behin, Debagoienean oso maitea den santu baten omenezko ospakizunak prestatu dituzte ibarreko hainbat taldek, Santa Agedarenak, hain zuzen ere. Joan den asteburuan egin zituzten lehenengo ekitaldiak.

Felix Iñurrategi - Baltistan Fundazioaren berripapera

 Debagoiena Bazkideen artean banatzen den berripaper honen 3. zenbakia kalean da dagoeneko. Baltistani buruzko hainbat zehaztasun dakar Bere erroez harro dagoen herria izenburua daraman artikulu labur batean. Populazioa, erlijioa, jatorria eta hizkuntza dira, besteak beste, aipatzen diren gaiak.

Aste argigarria 0-3 bitarteko hezkuntza eskaintza publikoarentzat

 Debagoiena Aste honetan jakingo dugu, 0-3 urte bitarteko umeendako eskaintza publikorik izango ote den bailaran. Inguruko herrietako alkateek proposamen bat egin diote Jaurlaritzari bailaran eskaintza hori antolatze aldera, eta hezkuntza sailaren erantzuna etorri da. Arrasateko udaleko ordezkariek esan digutenez, aste honetan emango dute erantzunaren berri.

Mendiz-mendi joanda ospatuko dute ezkontza

 Debagoiena Ezkondu berriak direla ospatzeko modu bitxia aukeratu dute, Rosa Lasagabaster eskoriatzarrak eta Asier Lasa arrasatearrak. Bihar, zapatua, Bizkaiko Aspe auzoko jatetxe batean ospatuko dute ezkontza, eta bertara mendiz-mendi iritsiko dira, oinez. Eskoriatzatik abiatu, eta Besaiden beste lagun batzuekin elkartu ondoren, bazkal ordurako Aspe auzoan izango dira. Zorionak biei!

Urkulurako egitasmoa bertan behera utziko du Jaurlaritzak

 Debagoiena Aste honetan Mankomunitateak egin duen bileran jakinarazi denez, Eusko Jaurlaritzak bertan behera utziko du Urkulurako duen proiektua. Etxebizitzak eta parkea egin asmo ziren urtegiaren inguruan, baina inguruko Udaletako ordezkariei hitzez Jaurlaritzak esan die, ez duela asmo horrekin aurrera egingo.

AHTren gainean salaketa egin du Aralarrek

 Debagoiena Aralarrek salatu du abiadura handiko trenak hasera baten eduki behar zituen ezaugarriak aldatu arren ibilbidea aldatzeko asmorik ez duela Eusko Jaurlaritzak. Aretxabaletako udaletxean, Debagoieneko Mankomunitatearen urtarrileko bileran aztertu zuten gaia.

Mydoom.A zizarea izugarri zabaldu da

 Debagoiena Urtarrilaren 26an agertu omen zen Mydoom.A zizare elektronikoa eta egun batean ordenagailu mordoa hondatu ditu, batez ere enpresetako sareetan dihardutenak. Debagoienean ere sartu da hainbat ordenagailutara. Antibirus etxeek dagoeneko atera dituzte txertoak.

Urkulu %83,65ean

 Debagoiena Azken egunetan egin duen euriaren ondorioz gehiago bete da Urkuluko urtegia. Une honetan, urtarrilaren 26an, %83,65ean dago. Joan den astelehenean, hilaren 19an, berriz, %78,13an zegoen. Azken astean %5,52 bete da.

Diputazioko Gizarte Politikarako Departamentuak bi zentro irekiko ditu ibarrean

 Debagoiena Debagoienean gizarte zerbitzuak hobetzeko bi zentro irekiko ditu oraingo urtean Gipuzkoako Diputazioak. Gizarte Politikarako Departamentuko diputatu Ester Larrañagak aurreratu du Eskoriatzan eta Elgetan irekiko dituztela bi zentroak.

Amann, Garraio Sailburuak euskal Y-aren gaineko eskaerak jaso ditu Arrasaten

 Debagoiena Debagoieneko Mankomunitateko alkateek hala eskatuta etorri da Alvaro Amann, Herrilan eta Garraio Sailburua Arrasatera. Bi proiekturen gainean informazio zehatzagoa eskatu eta proposamenak egin nahi zizkioten bailarako alkateek: tranbiaren gainean alde batetik eta Abiadura Handiko Trenaz bestetik. Jaurlaritza, Debagoieneko Mankomunitatea, MCCeta Mondragon Unibertsitatea izan dira gaurko bileran.

Tranbia eta AHTren inguruan azalpenak emango ditu gaur Amann sailburuak

 Debagoiena Bailarako tranbiaren proiektuaz eta abiadura handiko trenaren inguruan azalpenak emateko, gaur, asteazkena, Arrasateko Udaletxera hurbilduko da Alvaro Amann, Jaurlaritzako Garraio eta Herrilan Sailburua.

Arizmendi Proiektuaren aurkezpena Amaia Antzokian

 Debagoiena Ikasleek eurek aurkeztuko dute Arizmendi Ikastolaren Hezkuntza-Proiektua. Dantza eta antzerkia Amaia Antzokian hilaren 24an. 6 eta 16 urte bitarteko ikasleak, guraso eta irakasleen laguntzarekin, izango dira ekitaldiaren protagonista.

"Iragana Gogoratuz" erreportaje sorta estreinatuko du gaur Goitb-k

 Debagoiena Aste bukaerako tximistek eragindako arazo teknikoak konponduta gaur, martitzena, estreinatuko du Goitb-k "Iragana Gogoratuz" saioa. Atzo, astelehena, ez zuten lortu Goitb ikusteko matxura konpontzea, gaur ordea emisioa normaltasunez egingo da. "Iragana Gogoratuz" 20:30ean eta 22:30ean eskainiko du Goitb-k.