Istripua gertatu da Kanpanzarren

 Debagoiena Hiru kamioik elkar jo dute 12:15ak inguruan. Auto ilarak daude errepidean. Kontuz gidatu.

Gerrako fusilatuen oroimenezko ekitaldia antolatu dute

 Debagoiena Espainiako Gerran fusilatu zituzten debagoiendarren omenezko ekitaldiak izango dira ekainaren 6an, domeka, Arrasaten. Meza izango da haien omenez San Joan Bataiatzailearen parrokian, 11:00etan, eta lore eskaintza Garibai kaleko monolitoan, 12:00etan.

Gillermo Perea: “Etxebizitzaren arazoa konpontzen duen formula aurkitu dugu"

 Debagoiena Gasteizko talde batek formula bat aurkitu du, egungo etxebizitzaren arazoari irtenbidea aurkitzen diona. Emakume Txokoan, Arrasaten eman zuen hitzaldia Gillermok. Formula, edozein herritan aplika daitekeela esan zuen bertan. Nork bere etxea eraikitzean dago oinarritua formula. Elkarrizketa osoa egubakoitzeko Goienkarian irakurri daiteke.

Organo emaile gehiago eskatuko dituzte bi elkartek Debagoienean

 Debagoiena Organo Emailearen Astea bukatzeko, informazioa eman eta, batez ere, debagoiendarrok emaile egin gaitezen kontzientziatzeko kanpaina egingo dute zapatuan, ekainak 5. Arrasaten eta Bergaran mahai informatibo bana ipiniko dute, goizean.

Jokin Etxaniz: "Xalak gastroenteritis handia badu, atzeratu egin beharko da pilota finala"

 Debagoiena Arrasate Irratian egin adierazpenetan, Aspe-ko Kirol Zuzendariak, Jokin Etxanizek esan du, ezusteko handia dela Xala gaixotu izana, baina gastroenteritis handia badu, finala atzeratu egin beharko dela. Martinez de Irujok ondo hartu ei du gertatutakoa, baina pena ere badu, ekainaren 8an oporretan joateko asmoa zuen eta. "Zer egingo dut bidaiarekin?" esan dio Irujo pilotariak Etxanizi.

Lehen lan urtearen balorazio positiboa egin du Aralarrek

 Debagoiena Debagoieneko Aralarreko hautetsiek udal lanetan betetako lehen urtearen balorazio positiboa egin dute. Edonola ere, herri plataformen legez kanporatzea dela eta Aralarrek jasotako irainen aurrean minduta azaldu dira. Europako hauteskundeei dagokienez, ordezkaritza lortzea zaila izango den arren, garrantzitsuena orain arteko bidetik jarraitzea dela nabarmendu dute.

Bailarako 78 lagunek parte hartuko dute "Hiru Handiak" ibilaldian

 Debagoiena Egubakoitz eta zapatura bitarteko gauean abiatuko da "XIV. Hiru Handiak". Bailarako 78 lagunek egin du izenematea, 100 km dituen ibilaldia egiteko. Hasteko Aizkorrira, ondoren Anbotora, eta azkenik Gorbeiara igo beharko dute. Leintz-Gatzagatik pasako da ibilaldia.

Postaria.com-en bidez banatuko dira orain Goiena.net-en buletinak

 Debagoiena Gaurtik aurrera, Goiena.net-eko albisteak Postaria.com zerbitzu euskaldunaren bidez banatuko dira e-postaz.

Zubillagako hiltegiak bizirik jarraitu behar duela defendatu dute

 Debagoiena Kalitatea bermatzeko, hiltegia ixtearen aurka daude harakinak, abeltzainak, baserritarrak eta hainbat sindikatu eta erakunde. Hiltegiak zabalik jarraitu behar duela esan dute, beste behin, ozen, eta Mankomunitateak ez diela inongo irtenbiderik proposatu salatu dute.

23 urteko kartzela zigorra egotzi dio epaileak Mendikuteri

 Debagoiena Dagoeneko esan du epaileak zenbat urteko kartzela zigorra bete beharko duen Aitor Mendikutek. 23 urteko kartzela zigorra bete beharko du Arrate Elkoro elgetarra hiltzeagatik eta tabako dendan lapurreta egiteagatik.

Errotatiba berrian inprimatzen da Goienkaria

 Debagoiena Nafarroako Diario de Noticias egunkariak errotatiba berria inauguratu zuen atzo, hilak 28. Han izan ziren Goienako ordezkariak ere, Goienkaria eta Asteleheneko Goienkaria errotatiba horretan inprimatzen baitituzte. Nafarroako egunkariak, baina, beste ospakizun batzuk ere bazituen: hamar urte dira sortu zela eta egunkariaren diseinu berria aurkeztu zuten.

MUk euskararekin duen jarrera salatu dute Ikasle Batzordeko kideek

 Debagoiena Mondragon Unibertsitateak euskaldunen eskubideak urratzen dituela salatu du Ingenieritzako Ikasleen Batzordeak. Zehazki, ikasleek euskaraz ikasteko duten eskubidea urratzen dela esan dute.

Karibera joan zaitezke Asteleheneko Goienkariarekin

 Debagoiena Goienkariak astelehenetan kaleratzen duen edizioko harpidedunen artean Karibera bidaia zozkatuko dute uztailean. Hain justu ere, Dominikar Errepublikara bi lagunendako bidaia da zozkatuko dena. Bidaiaren gastu guztiak, hegaldia eta egonaldia (dena kontuan hartuta) barne daude, eta 9 egun edo 7 gaueko bidaia da. Abioia Madriletik edo Bartzelonatik aterako da. 2004ko iraila eta abendua bitartean egin beharko dute bidaia, saria jasotzen dutenek.

Kontzentrazioak egingo dira herri plataformek deituta

 Debagoiena Gaur, maiatzak 25, urtebete bete da azken Udal hauteskundeak burutu zirenetik. Herri plataformek ezin izan zuten aurkeztu orduan, eta urtebete joan den honetan, kontzentrazioak egingo dira ibarreko herrietan, plataformek deituta.

Leintz bailarako ikastetxeek bertso saioak egingo dituzte

 Debagoiena Ibarreko hainbat ikastetxetako ikasleek bertso saioak eskainiko dituzte datorren astetik ekain hasierara bitartean. Gipuzkoako Bertsozaleek antolatutako egitasmo baten barne daude emanaldiak.

Zuhaitz Ezpeleta arrasatearra bigarren Aizkorrin

 Debagoiena Mario Poletti italiarra sailkatu zen lehenengo 4 ordu, 6 minutu eta 46 segunduko denbora eginez. Zuhaitz Ezpeleta arrasatearra bigarren sailkatu zen, 2 minutura. Hirugarren helmugaratu zen Esteve Canal katalandarra, Ezpeletarengandik 8 minutura.

Lausardi Koru Sinfonikoak Lizarran estreinatuko du lan bat

 Debagoiena Ibarreko Lausardi Koru Sinfonikoa lan berri bat prestatzen ari da egunotan. Hain zuzen, zapatuan, hilak 22, egingo du lan horren estreinaldia, Lizarran. Arrasateko Goikobalu abesbatzak eta Bergarako Orfeoiak parte hartuko dute.

MCCren emaitzak %11 igo ziren iaz eta ia 2.000 lanpostu sortu zituen

 Debagoiena Nahiz eta nazioarteko egoera ekonomikoa ezegonkorra izan, iaz 1.702 lanpostu sortu zituen MCCk. Arrasateko taldeak 2002an baino emaitza hobeak lortu zituen. Hain justu, emaitzak %11 igo ziren. Eskainitako prentsaurrekoan, Jesus Cataniak esan du, datozen lau urteotan beste 17 lantoki ireki nahi dituztela nazioartean.

Putz estiloa duen idatzi batekin agur esan digu aldizkariak

 Debagoiena Putz-eko arduradunek ofizial egin dute aldizkariaren "heriotza". "Putz aldizkaria: ishiltzeko ordua" izenburua duen idatzi batekin, zenbaki gehiago ez dutela argitaratuko jakinarazi dute. Ohiko "Putz" estiloa duen idatzia irakur dezakezue jarraian.

Hilketa eta lapurreta egotzi dio zinpeko epaimahaiak Mendikuteri

 Debagoiena Hilketa (asesinato) egotzi dio zinpeko epaimahaiak Mendikuteri, hilketa hori, gainera, alebosiaz eta krudelkeriaz (ensañamiento) egin zuela esan dute. Lapurreta delitua ere egotzi diote. Aringarri bat ezarri diote epaiari; erasoaren unean Mendikuteren askatasuna partzialki asaldatuta zegoela adierazi dute eta anomalia psikiko arina duela.