4x4 trakziodun autoen trial proba Eskoriatzan

 Debagoiena Bihar, zapatua, 15:30ean hasiko da Eskoriatzako Bolibar auzoan 4x4 trakziodun autoen trial proba. Nafarroan ezagunak badira ere lehenengo aldia da Debagoienean horrelako proba bat antolatzen dutena.

Udal bakoitzak erabaki beharko du hiltegiarekin zer egin nahi duen

 Debagoiena Mankomunitateak proposatzen dio ibarreko udal bakoitzari uztailerako, Osoko Bilkuran, erabaki dezala hiltegiaren etorkizuna dela-eta zer egin nahi duen, hau da, zerbitzuaren barne jarraitu edo ez. Halaxe adostu zuen Mankomunitateko batzordeak atzo, eguaztena, Leintz Gatzagan izan zuen batzarrean.

Debarroko txapelketako hiru finalak ibarreko bikoteek irabazi zituzten

 Debagoiena Zapatu arratsaldean jokatu zen Debarroko txapelketako azken jardunaldia. Hiru final jokatu ziren eta hiruretan zeuden ibarreko ordezkariak. Antzuola, Eskoriatza eta Aretxabaleta izan ziren kadete, gazte eta senior mailetan irabazle.

Espaloia Kafe Antzokia zabaldu dute Elgetan

 Debagoiena Elgetakoek gehiagotan gozatuko duten arren, kontuan izan behar da 15 kilometroren bueltan 100.000 biztanle bizi direla. Pentsatzekoa da inguruko herrietatik ere jendea etortzea Kafe Antzoki honetara. Kontzertu leku aproposa, antzerkirako ondo prestatua, egoteko leku elegantea: Espaloia Kafe Antzokia.

"Goienkaria"-k eta "GoienaNet"-ek aipamena jaso dute diseinu lehiaketan

 Debagoiena Society For News Design (SND) elkartearen sail espainolak antolatutako Lo mejor del diseño periodístico España-Portugal diseinu lehiaketan, aipamena jaso dute Debagoieneko "Goienkariak" eta "GoienaNet"-ek.

Ehundik gora debagoiendar Quebrantahuesos proban, zapatuan

 Debagoiena Quebrantahuesos erresistentzia proba gogor eta luzea egin zuten zapatuan Pirinioetan. Guztira 4.903 parte-hartzaile elkartu ziren. Txirrindulari guztiek 205 kilometroko ibilbidea egin behar izan zuten. Ibilbideari hasiera Sabiñanigon eman zitzaion, goizeko zortzietan, eta leku berean bukatu zen proba, ia sei ordu geroago.

36ko Gerrako zortzi gorpuzkin aurkitu dituzte Elgetan

 Debagoiena Intxortan aurkitu dituzte zortzi gorpuzkinetatik hiru, eta Antsoategi baserri inguruan beste bostak. Aranzadi Zientzia Elkarteak egin du aurkikuntza, donostiar batek bere anaiaren arrastoak aurkitzeko egindako eskaeraren haritik.

Musikaire Udako Jaialdia aurkeztu da

 Debagoiena Gaur aurkeztu da Bilbon Musikaire, Udako Jaialdiak Elorrion. Zazpigarren aldi honek 100.000 euroko aurrekontua izango du. 20 ekitaldi eskainiko ditu asteburuetan. Aurtengo edizioarekin batera, Musikaire-ren webgune berria ere aurkeztu da.

Inoizko abstentzio handiena, Jeltzaleak nagusi eta HZk emaitza onak

 Debagoiena Debagoieneko emaitza guztiak jaso ditugu eta baita Hego Euskal Herrikoak ere. Abstentzioa inoizko handiena izan da gaurko hauteskundeetan Debagoienean (%56,3), baina beste behin jeltzaleak nagusitu dira, eta HZk oso emaitza onak lortu ditu. Asteleheneko Goienkariak grafiko eta datu guztiak emango ditu.

Debagoieneko emaitzak etorria ahala jasotzen ari gara Goiena.net-en

 Debagoiena Europar Parlamenturako Hauteskunde eguna da gaur. Boto kontaketa egin bezain laster, Goiena.net-en argitaratzen ari gara Debagoieneko datuak. Lehenengoa datuak jasotzen eta ematen izan da Gatzaga, baina orain herri guztietakoak ditugu.

Lan hitzarmenaren alde mobilizatuko dira Mankomunitatea eta udalak ekain osoan

 Debagoiena Debagoieneko Mankomunitateak eta udal gehienek lan uzteak edo greba egunak egingo dituzte datozen egunotan. Horren helburua da lan hitzarmen berria negozia dadila eskatzea. Besteak beste, soldata igoera, zabor kontratuen bukaera eta behin-behinekotasuna eskatzen dute.

Omenaldiak eta sari banaketak gaur Eskualde Ospitalean

 Debagoiena Egun berezia dute gaur, egubakoitza, Eskualde Ospitalean. 13:30etik aurrera, ospitaleko langile erretiratuei omenaldia egingo diete, baita 25 urte lanean daramatenei ere. Ondoren argazki lehiaketako sariak banatuko dira, eta hainbat talderi egindako lana aitortuko diote. Esate baterako, Goienak jasoko du errekonozimendu horietako bat. Ospitaleko albisteak plazaratzen egindako ahalegina aitortuko zaio Goienari.

Abian da Anton Abbadia sariaren 9. edizioa

 Debagoiena Gipuzkoako Diputazioko Gizarte eta Erakunde Harremanetarako Departamentuak 2004ko Anton Abbadia saria deitu du, euskararen erabilera sustatzeko alorrean nabarmendu izan diren pertsona edo elkarteen jarduna saritzeko asmoz. Hautagaiak aurkezteko epea irailaren 30ean amaituko da. Saria zortzi urtetan eman da eta lau alditan saria Debagoienera etorri da.

Europako Legebiltzarrerako Hauteskundeak 2004 Goienan

 Debagoiena Goienako komunikabideok jarraipena egingo diegu ekainaren 13an izango diren Europako Legebiltzarrerako Hauteskundeei. Debagoieneko datuak izan ahala Goiena.net-en ezarriko dira. Horrez gain, aurreko hauteskundeetako emaitza konparatiboak eskuratu daitezke webgune honetan.

"Gomendatzen dizut..." sariketa abiarazi dute ibarreko gazte bulegoek

 Debagoiena Arrasateko, Bergarako eta Oñatiko gazteentzako informazio guneek jarri dute martxan sariketa. Beronen xedea da gazteek, oporretatik bueltan, gustuko izan dituzten tokien gomendioak egitea –edo zeintzuk gustatu ez zaizkien azaltzea–. Irailaren 24ra arte egin daitezke proposamenak.

Aralar Zubillagako abere hiltegia ixtearen aurka azaldu da

 Debagoiena Aralar alderdiak prentsaurrekoa eman du gaur, goizean, Zubillagako abere hiltegiaren gainean duen iritzia azaltzeko. Mankomunitateko azken Gobernu Batzarrean ixtearen aurkako jarrera defendatu zuten, eta gaur, jarreraren arrazoiak eman dituzte.

Zubillagako hiltegiaren inguruan galdera aurkeztu du Batasunak Legebiltzarrean

 Debagoiena Debagoieneko Batasunak idatzia kaleratu du, Zubillagako hiltegia ixtearen aurka dagoela adierazteko.Gogora ekarri dute, aurreko legealdian Batasunaren ardura zela hiltegiaren zerbitzua, eta urte horietan ahaleginak egin zituztela hiltegia ez ixteko. Legebiltzarrean galdera bat aurkeztu dutela ere jakinarazi dute.

Ekaitzaren ondorioak Arrasate eta Aretxabaletan

 Debagoiena Atzo iluntzean botatako ekaitzaren ondorioz, bailarako kaleak urez gainezka izan ziren, eta hainbat garajetan ere ura sartu zen. Aretxabaletako kirol etxean ura sartu zen, eta Arrasateko parking publikoan, Lau Biden ere ura ateratzen ibili ziren. Argazki galeria jarri ditugu goiena.net-en

Artizarraren fenomenoa ikusteko teleskopioak Gatzagainen jarri dituzte

 Debagoiena Gaur, martitzena, zeru lainotuekin esnatu gara, eta Ilatargi taldekoak Gatzagainera joan dira, artizarraren fenomenoa hobeto ikusteko. Bertan jarri dituzte teleskopioak, artizarra eguzkiaren aurretik zelan igarotzen den ikusteko. 11:10 inguruan hasi dira fenomenoa ikusten. 13:25 arte bertan izango dira, beraz, interesatuok Gatzagainera hurbildu.

Diputatu Nagusiak Goiena bisitatu du

 Debagoiena Joxe Joan Gonzalez de Txabarri Gipuzkoako Diputatu Nagusia Debagoienean izan zen joan zen barikuan. Hain justu ere, Goiena Komunikazio Zerbitzuak Kooperatiba Elkarteko Arrasateko egoitza bisitatu eta Goienako ordezkariekin elkartu zen Ahaldun Nagusia.