Logoa

Mondragon unibertsitateak aldizkari bat sortu du: 'MUniversitas'

 Debagoiena Urtean hiru ale kaleratuko ditu, 24 orrialderekin erabat kolorez, eta hiru hizkuntzatan, euskaraz, gaztelaniaz eta ingelesez. Tirada 7.000 alekoa izan du aldizkari berriak. Lehen zenbakiak gai nagusi bat du, Mendeberri hezkuntza proiektua.

'Goienkaria' bloga on-line Goiena.net-en

 Debagoiena Goienkariaren diseinua goitik behera berritu behar dute, bai kazetaritzakoa eta bai grafikoa. Eneko Azkarate kazetaria eta Goio Arana diseinugilea ari dira Goienkaria berritzeko lanean. Lan horretan egiten dituzten urrats guztien berri emango dute sortu berri duten blogean. Irakurleek ekarpenak egiteko aukera ere izango dute.

Kooperatiben Egunean, MCCri omenaldia

 Debagoiena Munduko Kooperatibaren Eguna izan zen atzo, azaroak 18. MCCko sortzaileak omendu zituen Euskadiko Kooperatiben Konfederazioak Donostian, Kursaal aretoan, egindako ekitaldi baten.

Eusko Jaurlaritzak ikasle ezinduei Unibertsitaterako garraioa ordaintzeko diru-laguntza onartu du

 Debagoiena Eusko Jaurlaritzak onartu du aurten ere diru-laguntzak ematea ohiko garraioak erabiltzeko zailtasunak dituzten ikasle ezgaituei. Jaurlaritzako Etxebizitza eta Gizarte Gaietako Sailak 100.000 euro bideratuko ditu laguntza horiek emateko. Eskatzaile bakoitzari gehienez 12.000 euro emango dizkio Jaurlaritzak.

Bologna prozesuari ezetz esateko greba deitu du eguenerako Ikasle Abertzaleak taldeak

 Debagoiena Bologna prozesuak hezkuntzan ondorio larriak ekarriko dituela uste du Ikasle Abertzaleak taldeak, adibidez, hezkuntza eskubide izatetik zerbitzu izatera pasako dela. Prozesua salatzeko, greba eta geldialdi deialdia egin du eguenerako, azaroak 17rako.

Bertsolari txapelketako finaleko sarrerak salgai daude ibarrean

 Debagoiena Arrasate, Aretxabaleta, Bergara eta Oñatiko euskara elkarteen egoitzetan daude salgai sarrerak. Baita Bergarako Bilintx liburu-dendan ere.

Amodiozko Gutunen Berrigara Lehiaketa

 Debagoiena Hamalaugarren aldiz deitu du Jardun elkarteak sariketa hau. Urtarrilaren 5era arte dago zabalik gutunak bidaltzeko epea.

Debagoieneko 444 lagun izan ziren Behobia-Donostia lasterketan

 Debagoiena Ritxar Fernandez oñatiarra bosgarren tokian iritsi zen helmugara. Iratxe Aranburu bigarrena izan zen emakumezkoen proban, irabazlearengandik zazpi segundora. Lehen aldiz proba korritzen zuen Chema Martinez izan zen irabazlea, baina ez zuen errekorra hautsi. Irteeran izan ziren 10.875 korrikalariek hotzari eta euriari aurre egin behar izan zioten ibilbide osoan

Kirol politikari buruzko Debagoieneko X. Topaketa

 Debagoiena Elgetako Espaloia Kafe Antzokian egingo da topaketa. Osteguna, azaroak 24, goizeko 09:00etan emango zaio hasiera ekitaldiari.

Baster-alde.com, Goiena.net-eko blog berria

 Debagoiena Aretxabaletako Baster Alde jatetxeak bloga egin du Goiena.net-en. Besteak beste, ezkontza nahiz ospakizunetako menuak ikusteko aukera dago blogean.

RIP albiste da gaur medioetan

 Debagoiena Eguenean aurkeztu zuten RIP taldearen gaineko DVDa Bilbon. Gaur albiste dugu medio ezberdinetan. Aurkezpenaren berri jasotzen dute prentsan, eta irrati ezberdinetan RIPen garai bateko abestiak entzun ahal izan dira. "Euskal punkaren ordezkari gailenetakoa izaniko taldearen inguruko erreportajea kaleratu dute", horrela laburtu dute albistea 'Berria'-n.

RIPen DVDa aurkeztu dute Bilboko Kafe Antzokian

 Debagoiena Prentsaurrekoan izan dira, besteak beste, Txerra eta Jul RIPeko kideak, Iker Barandiaran kazetaria eta Xarra, Gaztelupeko Hotsak diskoetxeko kidea. DVDaren atal ezberdinak aurkeztu dituzte: inoiz argitaratu gabeko abestiez osatutako CDa, argazki galeria eta kontzertuak, besteak beste.

Miren Arregi, Urtzi Armendariz eta Regina Vargas Gomendatzen dizut sarien irabazle

 Debagoiena Arrasateko Gazte Informazio Bulegoko saria irabazi dute Miren Arregi eta Urtzi Armendarizek; Regina Vargasek, aldiz, Bergarako saria irabazi du. Jaso duten saria: asteburu bateko egonaldia Euskal Herriko nekazaletxe batean.

Euskarazko tokiko telebisten prentsa aurrekoa

 Debagoiena Euskarazko telebisten egoera azaldu dute Donostian egindako agerraldian eta administrazioari zuzenduz hainbat aldarrikapen egin dituzte. Telebistak emititzeko baimena lortzea dute helburu, baina ez bakar. Digitalizazioak inbertsio handia eskatzen du eta hortaz jabetzeko deia egin dute. GOITB-k bat egin du eskaerarekin.

'Bide Eginez' eztabaida prozesua abiarazi du Batasunak

 Debagoiena Debagoieneko herrietan hasiak dira batzarrak egiten. Azaroan gainontzeko herrietara zabalduko dira batzarrak. "Bide Eginez" eztabaida azaldu eta urteko balantzea egingo dira besteak beste.

Arrasateko ekitaldi jendetsuaren ostean, joan da Kaiera ibarretik

 Debagoiena Antzuola, Elgeta eta Bergaran izan zen eguaztenean Kaiera egitasmoa herritarren ekarpenak jasotzen. Atzo, berriz, Leintz Bailaran izan ziren eta Arrasaten jai giroko ekitaldi batekin amaitu zuten ibarrera egindako bisita.

Behobia-Donostia lasterketako dortsal guztiak banatuta

 Debagoiena Bi aste baino gehiago geratzen dira Behobia-Donostia lasterketarako (azaroak 13), baina dagoeneko banatu dituzte dortsalak. Ibarrean, Arrasateko Sportland eta Bergarako Lazkano dendek izan dute izenak hartzeko ardura. Joan den astean amaitu zuten lan hori. Hala ere, Itxaronzerrenda jarri dute, azkeneko momentuan dortsalak soberan badaude.

Kaiera iritsi da Debagoienera

 Debagoiena Gaur, urriak 26, iritsi da Kaiera egitasmoa Elgetara. Jende ugarik hartu du parte, tartean Victoriano Gallastegi, Bergarako alkatea eta Andoni Gartzia, Oñatiko alkatea izan dira. Bergarako argazkiak ere jarri ditugu argazki galerian.

Lauaxetan inguruan idatzi eta blogak eztabaidagai

 Debagoiena Gerardo Markuleta oñatiarrak , Patxi Gaztelumendik Lauaxetaren omenaldiaren gainean idatzitakoa aintzat hartuz, Asteleheneko Goienkarian zutabea idatzi du. Gerardok hauxe dio: "Deskalifikazio orokorra iruditu zitzaidan Patxik diskoari eta bakarlariei egindakoa, eta injustua beraz, eta errazegia. Eta hori adibide batekin erakusteko, blog-en deskalifikazio orokor antzeko bat egin nuen, haren hitz berberak erabilita."

Euskaltzaindiako kide oso aukeratu dute Ana Toledo

 Debagoiena Euskaltzaindiako kideek egubakoitzean gehiengo osoz aukeratu zuten Ana Toledo antzuolarra euskaltzain oso.