Bihar, zapatua, errauskailuaren kontrako manifestaldia izango da Donostian, eta Debagoiena Eredu plataformak parte hartzeko deia luzatu die eskualdeko herritarrei.
Anoetatik, Erraustegirik ez! Alternatiba dagoelako leloarekin 17:00etan abiatuko da Errausketaren Aurkako Mugimenduak antolatutako protesta ekimena eta Debagoiendarrak ere bertan izango direla adierazi du Enrique Letona Debagoiena Eredu plataformako kideak.
Bailaratik autobusak
Gainera, autobusak antolatu dituzte bailaratik Donostiara joateko, eta kotxez joan beharrean, autobusak betetzeko eskatu die debagoiendarrei Letonak.
Elkartasuna
Debagoienetik errauskailua urruti samar egingo duten arren, bertan bizi direnei elkartasuna adierazteko han egongo direla gaineratu du Letonak.