goiena.eus

Ostera ere lider izateko aukera paregabea du Antzuolak zapatuan

  Kirola  Antzuola  Debagoiena

Lehen erregional mailako igoera fasean lehenengoa eta bigarrena izango dira zein baino zein gehiago bihar Estalan (16:30, Goiena telebista). Joan den astean Eibartarraki 5-0 irabazita, moralez beteta daude Antzuolakoak. Hala, Billabonan jasotako 2-0ekoari buelta eman gura diote.

Ostera ere lider izateko aukera paregabea du Antzuolak zapatuan
Antzuola gola ospatzen. | Ikusi handiago | Argazki originala

Ohorezko erregional mailan Aloña Mendi da etxean jokatuko duen bakarra, eta oñatiarrendako liga amaiera honetako finaletako bat izango da, gainera. Urzelairen mutilek 13. postuan dagoen Beti Gazte izango dute aurrean (domeka, 16:30). Mondrak eta Aretxabaletak, ostera, kanpoan jokatuko dute. Arrasateko taldeak Mutrikun (zapatua, 16:30) eta Aretxabaletak Donostian, Vasconiaren kontra (zapatua, 17:30).  

Erregional preferentean, joan den astean jaso zuen Bergarak ligako lehen porrota etxean. Hala ere, lider jarraitzen dute sei puntuko aldearekin, eta bihar Alegian (Intxurreren kontra, 15:30ean) zaleen babesa izango dute, klubak autobusa antolatu du eta. Emakumezkoen igoera fasean, azkenik, Arizmendik lehen garaipenaren bila egingo du bidaia Errenteriara (zapatua, 17:00). 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa