Baserritarrekin batera pago motzen garrantzia ezagutzera

Xabi Gorostidi 2017ko ots. 17a, 12:00

Aspalditik 'Zuhaitz eguna' izan dena 'Natura Eguna' izatera pasa da, baserritarren lana balioan jartzeko. Zapatuan pago motzen garrantzia landuko dute lehen hezkuntzako ikasleekin eta otsailaren 24ean fruta arbolak landatuko dituzte haur hezkuntzakoekin.

Aspalditik daramate Udalak, San Martin Eskolak eta Guraso Elkarteak Zuhaitz eguna elkarlanean antolatzen. Aurten ordea, ekimenari bueltatxo bat eman beste ikuspuntu batetik lantzea erabaki dute.
"Azken 60 urteetan %30tik %80ra pasa da lurzoruaren estalduran zuhaitzek duten presentzia. Ganaduak bere lekua behar du, eta mendi punta ingurutan zuhaitzik gabeko eremuek paisaia polita uzten dute" azaldu du Jon Ugarte Mendi eta Ingurumen zinegotziak. Hori dela eta, baserritarren lanean, eta horrek naturan duen eraginean jarriko dute fokua  hemendik aurrera.

Zapatuan lehen irteera

Gaur pago motzekin lotutako bi ikus-entzunezko landuko dituzte lehen hezkuntzako ikasleek, horietako bat Aramaion ikazkin aritutako Basilio Ugarteri buruzkoa izango da.

Bihar goizean 09:30ean San Kristobalera abiatuko dira. "Udalaren jabetzako lur batzuetara joango gara, pagoen adarrak moztera. Asmoa urtero errepikatzea da" azaldu du Ugartek.  

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak