64 urteko gizonezkoa hil da Kurtzebarrin

Eneko Azkarate 2017ko ots. 15a, 13:56
Kurtzebarri mendia, Apotzagatik.

64 urteko gizonezko arrasatearra hil da Kurtzebarri mendian. Jose Ramon Bidaburu arrasatearra da hildakoa. Segurtasun Sailak aditzera eman duenez, 11:00ak aldera dei bat jaso dute SOS Deiak-en. Dei horretan mendizale batek ohartarazi du harekin batera mendian ziharduen gizonezkoa ondoezik lurrera etorri dela, Kurtzebarriko gailurraren inguruan. Berehala gerturatu eta ertzainek erreskatatu dute.

Hain justu ere, mendi saileko ertzain taldea berehala gerturatu da helikopteroz eta heldu denerako mendizale arrasatearraren heriotza baieztatu du. Haren gorpua Arrasateko Arruena parkeraino eroan dute 13:30ak aldera. Ertzainek adierazi dutenez, zantzu guztien arabera, bihotzekoa izan daiteke heriotzaren kausa.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak