goiena.eus

Energiaren kontsumoa handitu egin da Euskadin, lehen aldiz 2010etik

  Ekonomia  Debagoiena

Euskadin aldatu egin da energia-kontsumoaren joera. Hain zuzen, 2015ean %1 handitu zen kontsumoa, eta joera horrek eten egin du 2010ean hasitako beheranzko joera. Energiaren Euskal Erakundeak eman ditu datu horiek.

Energiaren kontsumoa handitu egin da Euskadin, lehen aldiz 2010etik
Elektrizitate-dorrea. Argazkiaren jabetza: Oleg Zaytsev. | Ikusi handiago | Argazki originala

Energiaren Euskal Erakundeak 2015eko Euskadi Energia txosteneko ondorioak argitaratu ditu.

Txostenean, honako alderdi hauek jasotzen dira:

•    Energia-kontsumoak gora egin du sektore guztietan –ez soilik garraioaren sektorean, aurreko urteetan bezala–, industriaren sektorean izan ezik; industriaren kasuan, kontsumoa %2,8 jaitsi da, siderurgiaren eraginez.

•    Elektrizitate-eskaria %0,8 txikiagoa izan da, eta ia %40 tokiko produkzioarekin estali da.

•    Gas naturalaren kontsumoa %3 murriztu da, batik bat, industrian eta energia elektrikoa sortzen kontsumitzen baita.

•    Energia-iturri berriztagarrien aprobetxamendua %4,9 handitu da; ekarpen handiena biomasak egin du, eta haren atzetik datoz bioerregaiak, energia hidroelektrikoa, eolikoa eta, azkenik, eguzki-energia. Euskadiko energia-eskariaren guztizkoaren %6,9 osatzen dute berriztagarriek.

•    Gas naturalak energiaren azken kontsumoaren %25,6 osatzen du, eta petrolioak eta haren deribatuek %42,4. Ikatza dagoeneko ez da erabiltzen energia-kontsumorako.

•    Energia-intentsitatea (energia-kontsumoaren eta Barne Produktu Gordinaren arteko erlazioa) zertxobait hobea da: 2014. urtean baino 2 puntu hobea eta 2007. urtean baino hamaika puntu hobea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa