goiena.eus

Astelehenean hasiko da produktu fitosanitarioak erabiltzeko ikastaroa

  Ingurumena  Debagoiena  Eskoriatza

Anduaga Pentsuak-ek antolatuta, azaroaren 7tik 11ra bitartean GID (Gestion Integral Denbo) formazio enpresak produktu fitosanitarioen ikastaroa emango du, 15:00etatik 20:00etara bitartean, egunero, kultura etxean.

Astelehenean hasiko da produktu fitosanitarioak erabiltzeko ikastaroa
Fitosanitario kurtsoa. Argazkia: Goizper | Ikusi handiago | Argazki originala

Gazteleraz emango den kurtsorako 50 debagoiendarrek eman dute izena, eta, teorikoa izan arren, hiru orduko praktika ere izango dute. Hiru formatzaile ezberdinek emango dituzte saioak, eta moduluka emango dituzte, plagak, gaixotasunak, eta abar azalduta.

Beharrezko ikastaroa

Gainera, beharrezkoa izango da kurtsoa ateratzea produktu fitosanitarioak erosi eta erabiltzeko. Anduaga Pentsuak-en Maialen Leteren esanetan: "Badaude hainbat produktu erabili ditzakezunak, baina produktu fitosanitarioek dituzten konposizioak askotan hobeak dira… Orain, legea aldatu egin da, eta fitosanitario kurtsoa aterata ez duenak ezin ditu halako produktuak erabili, eta guk ezin ditugu saldu".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa