Loadinn da LEINN graduko ikasleek proiektuari eman dioten izena eta Enbaxadoreak dokumentalaren izena. Dokumental honetan Euskal Herriarekin harremana duten 30 pertsonatik gora elkarrizketatu dituzte. "Haien eguneroko eta istorioak erakutsiz Iparrameriketako euskal komunitate baten eraldaketa eta bizimodua islatu eta munduaren beste aldeko euskal kulturaren egoera erakutsi nahi izan dugu" diote.
Mota guztietako euskaldunak aurki daitezke dokumental honetan: edadetuak, umeak, enpresariak… Bertan jaio eta bizi diren euskaldunen istorioak entzuteko aukera ere badago, "euskal kulturarekin harremanari eusteko, musean edota euskal dantzan jarduten diren yankee euskaldunak…".
Finantzazioa
Une honetan, finantziazio modu desberdinak begiratzen dabiltza eta crowdfunding kanpaina bat jarri dute abian proiektua errealitate bihurtzeko. Diotenez, "helburua da dokumental honekin Euskal Herriko herri eta hiri desberdinetan erakutsi eta bertaratutakoekin eztabaida batean amaitzea, guztira bi ordu inguruko saioak prestatuz". Enpresa pribatu zein publikoen laguntza eskatzen ari dira, "euskal proiektu honi babesa ematen dioten enpresei dokumentala eta sare sozialetan publizitatea eginez".
Oraingoz, dokumentalaren trailerra prest dute eta proiektuaren gaineko informazioa, laguntzeko moduak eta abar, webgune honetan batu dituzte.