Aretxabaletak eta Antzuolak indarrak neurtuko dituzte Ibarran

Xabier Urtzelai 2015ko mar. 5a, 06:00

Bigarren derbia jarraian, domekan Antzuolaren eta Aloñaren artekoa jokatu ostean, Antzuolak protagonista izaten jarraitzen duelako, baina domekan Aretxabaletan dute hitzordua (16:30).

Indartsua, orain arte, izan ere, Valleren mutilak txakalaldi ederrean murgilduta daude –Aurreraren 4-1ekotik ez dute bururik altxa. Hala, biak ala biak daude puntu beharrean: Muruaren eta Garinen mutilek geroago eta zailago dute mailari eusteko, baina eurek aitortuta, azkenera arte ez dute amorerik emango. Aretxabaletak, ostera, ezin du opari gehiago egin; gainean dago Tolosa. 

Joan den asteko garaipenari esker astea lasaiago pasa dute Aloña Mendiko mutilek. Baina bide luzea geratzen zaie egiteko; domekan sailkapenean erdian dagoen Real Union izango da Azkoagainen (16:30).

Eta Bergarak ere beste horrenbeste, postu arriskutsuetan daude, eta zapatuan txukun dabilen Ordizia izango da Agorrosinen (16:30).

Mondrak bostetik bost 

Zubiaren taldeak Soraluzeri irabazita gura du bolada onean jarraitu (zapatua, 16:30, Mojategi), seigarren garaipena lortuta. Ordutegi guztiak hemen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak