Sarek lanean jarraitzera animatu ditu debagoiendarrak

Mirari Altube Arrese 2015ko urt. 11a, 13:25

Debagoiendar askok egin dute bat Sarek, Bilbon, antolatutako mobilizazioarekin. 25 bat autobus joan ziren bertara eta guztira 300 bat autobus elkartu han. Bilboko kaleak jendez lepo Now Euskal Herrira! aldarrikatzeko. Manifestazio isila izan da; txaloak baina, entzun dira, txalo asko eta asko. Arrasateko Sareko kideak pozik daude Euskal herritarrek emandako erantzunarekin eta lanean jarraitzera animatu dituzte.

ARGAZKIAK

Now Euskal Herrira! leloarekin antolatu dute ekitaldia. Sakabanaketarekin amaitzea da Sareren helburu nagusia, eta horretarako indarrak batzea "zubiak eraikiz eta orain arteko harresiak ezabatuz", hau da, herritarren arteko sare bat osatuz.

Gipuzkoatik, Nafarroatik eta Ipar Euskal Herritik joandakoak udaletxetik atera ziren eta arabarrak eta bizkaitarrak Casillatik, eta guztiek bat egin zuten Zabalburun. Manifestazio isila zegoen deituta eta pankartarik gabekoa. Zabalburun, 18:30ak inguruan, bukaera ekitaldia egin zuten, argi izpitxoak eskuetan hartuta kartzela politikaren kontrako mezua irudikatuz. "Kaleak bete genituen eta oso giro polita sortu zen", jakinarazi du Arrasateko Sareko kide den Maialen Zabaletak.

Sakabanaketarekin bukatu eta Euskal presoak eta iheslariak Euskal Herrira ekartzea eskatu zuten elkartutako 80.000 lagun inguruk. Protagonismo berezia izan zuten gainera, Senideek eta Mirentxinek.

Sarekide izateko aukera

Mobilizazioa, baina, ez da izan bukaera. Mugarria izan da Bilboko mobilizazioa baina lanean jarraituko dute. "Sarekide egiteko aukera izango dute gura duten guztiek, herrietan mobilizazio ezberdinak egingo dira-eta. Sareren helburuarekin bat egiten duten norbanakoak elkartu eta lanean jarraitzea da asmoa", jakinarazi du Zabaletak.

Bilboko kaleak jendez beteta.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak