Aretxabaleta eta Eskoriatza, aurrez aurre laugarren toberan

Aitziber Aranburuzabala Juldain 2014ko abe. 28a, 09:00

Aretxabaletako Ibarra kiroldegian egingo dute Bagarak bultzatutako laugarren tobera, abenduaren 28an (19:00). Herri moduan gutxietsi izana leporatuta, Eskoriatza izango da akusazioaren protagonista nagusia, Debagoieneko beste herri batzuetako ordezkarien laguntza izango duen arren.

Aurrekoetan moduan, akusatutako herrian ezohiko osoko bilkura egin dute, tobera epaiketara joateko enbidoa onartzen duten edo ez erabakitzeko. Horrela egin zuten atzo, eguena, Aretxabaletako udaletxean. Bilkura azkarra izan zen. Ohi moduan, pregoilariak zabaldu zuen ekitaldia; jarrera bihurri samarrarekin aurkeztu zuen herria defendatuko duen abokatua: Justa Zelaia. Bere burua eskaini zuen Zelaiak Eskoriatzakoen desafioari aurre egiteko, Aretxabaletako askotariko eragileek osatutako udalbatzarrean. Duda txiki batzuk izan ziren arren, aho batez onartu zuten Zelaiak egin zien proposamena.

Sarrerak zortzi eurotan salgai

Astelehena ezkero daude toberarako sarrerak eskuragarri, zortzi eurotan. Aurreko edizioetan moduan, honako herri eta salmenta puntu hauetan eros daitezke: Aretxabaletan, Arkupe kultura etxean eta Bagararen bulegoan; Eskoriatzan, Manuel Muñoz kiroldegian; Arrasaten, Ttukun dendan; Bergaran, Pol-pol tabernan; eta Oñatin, Txokolaterixan. Leku horietan, gainera, on line ere eros daitezke, helbide honetan: Bibe.me.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak