Autoekoizleei deialdi berria egin diete Durangoko Azokan

Arantzazu Ezkibel Galdos 2014ko aza. 7a, 11:14

Sortzaile guztiek kulturaren plazan euren lekua izateko ahaleginak egiten dabiltza Durangoko Azokako antolatzaileak. Horretarako, autoekoizleei deialdi berria egin diete: deialdi berria auto antolaketan oinarrituko da, azokako espazio berezia sortzaile eta elkarte bakoitzaren ahalmenaren eta inplikazio mailaren arabera moldatu ahal izateko.

Ezingo da edozein sorkuntza lan erakutsi Azokan. Katalogoan, gehienez bi autoekoizpen duten sortzaile edo elkarteak aurkeztu ahalko dira; eta, gainera, produktuek, Durangoko Azokaren araudia bete beharko dute bere osotasunean.

Interesa duten ekoizle zein elkarteek mezu bidez eman behar dute izena gerediaga@durangokoazoka.com helbidera idatzita. Honako datuak adierazi beharko dute: izen-abizenak, aurkeztu nahi den autoekoizpena, kontakturako bideak (e-mail eta telefonoa) eta batzarrera etorriko denaren konfirmazioa. Izena ematen dutenen artean adostuko dute gunea nola kudeatu eta kostua elkarbanatu egingo dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak